Istanbul Bosh prokuraturasi 37 nafar shaxs, jumladan Isroil bosh vaziri Binyamin Netanyaxuni hibsga olish bo'yicha order chiqardi. Bu haqda Anadolu axborot agentligi xabar berdi.
Ular insoniyatga qarshi jinoyatlar va genotsidda ayblanmoqda. Ro'yxatga, shuningdek, Isroil mudofaa vaziri Yisroil Kets va milliy xavfsizlik vaziri Itamar Ben-Gvir ham kiritilgan.
Idoraning ma'lumotiga ko'ra, Isroil hukumati G'azo sektorida olib borgan harakatlar natijasida ayollar va bolalar halok bo'lgan, ko'plab insonlar jarohat olgan. Bundan tashqari, ba'zi hududlar yashash uchun yaroqsiz holga kelgan.
"Isroil rasmiylari insoniyatga qarshi jinoyatlar va G'azo sektorida sistematik amalga oshirilgan genotsid aktlari uchun, shuningdek, Sumud global flotiliyasi qarshi ko'rilgan chora-tadbirlar uchun javobgarlikka ega", — deyiladi prokuratura bayonotida. Isroil tashqi ishlar vaziri Gideon Saar Istanbul tashabbusiga munosabat bildirib, bu qadamni Turkiya prezidenti Rajab Toyyib Erdo'g'anning piar harakati deb atadi.
U Turkiya sud tizimini siyosiy muxoliflarni bostirish va jurnalistlarni hibsga olish bilan shug'ullanishda aybladi. Shu bilan birga, Falastinning HAMAS harakati Istanbulni minnatdorchilik bildirgan holda, Turkiya xalqi va uning rahbariyatining yuksak pozitsiyasini e'tirof etdi, deb xabar beradi CNN.
