AQSH hukumati Tayvanga 11,1 milliard dollarlik qurol sotishni ma’qulladi. Bu orol davlatiga ko‘rsatilgan eng yirik harbiy yordam paketi hisoblanadi.
Mazkur qurol yetkazib berish bitimi AQSH prezidenti Donald Tramp ma’muriyati davridagi ikkinchi shartnoma hisoblanadi. Ushbu qaror Xitoyning Tayvanga nisbatan harbiy va diplomatik bosimi kuchaygan bir paytda qabul qilindi.
Xitoy Tayvanni o‘z hududi deb hisoblaydi. Yordam paketiga sakkiz turdagi qurollar kiradi: HIMARS raketa tizimlari, gaubitsalar, Javelin tankka qarshi majmular, Altius kamikadze-dronlari va boshqa texnikalar uchun ehtiyot qismlar.
Tayvan Mudofaa vazirligi ushbu qurollar mamlakat mudofaa qudratini kuchaytirib, mintaqada barqarorlikni ta’minlashga yordam berishini bildirdi. Hozirda bitim AQSH Kongressiga xabar qilingan bosqichda.
Nazariy jihatdan kongressmenlar bitimni bekor qilish yoki o‘zgartirish huquqiga ega, biroq Kongressda Tayvanni qo‘llab-quvvatlash keng va ikki tomonlama qo‘llab-quvvatlanmoqda. Tayvan prezidenti Lay Sin-de avvalroq 2026–2033-yillarga mo‘ljallangan qo‘shimcha 40 milliard dollarlik mudofaa byudjeti haqida e’lon qilgan edi.
U milliy xavfsizlik masalasida hech qanday murosa bo‘lmasligini ta’kidlagan. Xitoy AQSHning ushbu qarisini keskin tanqid qilib, bunday qurol yetkazib berish Tayvan bo‘g‘oziga tinchlik va barqarorlikni izdan chiqarishini bildirgan hamda Tayvan bilan harbiy hamkorlikni zudlik bilan to‘xtatishni talab qilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
