Avstriya kansleri Sebastyan Kurs Turkiya oxirgi yillar olib borayotgan siyosati tufayli Yevropa Ittifoqi a’zosi bo‘la olmasligini aytdi.
“Bu davlatda biz inson huquqlari, asosiy huquq va erkinliklarning jiddiy buzilishlariga duch kelmoqdamiz. Yevropa Ittifoqi buni ko‘rib, o‘zini hech narsa bo‘lmayotgandek tutishini qabul qila olmayman. Fikrimcha, Turkiyaga oxirgi yillar olib borayotgan siyosati tufayli Yevropa Ittifoqida o‘rin yo‘q. Uning ittifoqqa kirishi bo‘yicha muzokaralar tugatilsa adolatli bo‘lardi”, deb aytgan Kurs Bild am Sonntag nashriga bergan intervyusida.
Kursning aytishicha, Turkiya Avstriya, Germaniya va boshqa davlatlardagi turklarning integratsiyasi yuz bermasligi uchun bu davlatlardagi turk jamoatiga kuchli ta’sir qilishga urinmoqda.
Avvalroq Turkiya tashqi ishlar vazirligi Avstriyaning yangi hukumati dasturiga norozilik bildirgandi. Dasturda Vena Turkiyaning YeIga kirishi bo‘yicha muzokaralar to‘xtatilishini qo‘llab-quvvatlashi aytilgan.
Bryussel va Anqara o‘rtasidagi munosabatlar Turkiyada davlat to‘ntaruviga urinishdan keyin yomonlashgan. Yevropa Ittifoqi to‘ntaruv bilan bog‘liq ommaviy hibsga olishlar, Anqara ko‘rgan boshqa choralarni tanqid qilib, Turkiyaning Yevropa Ittifoqiga kirishi bo‘yicha muzokaralarning yangi bosqichiga o‘tishni to‘xtatgan.
Ayniqsa Turkiyaning Yevropa Ittifoqiga kirishiga qarshilik qilayotgan Avstriya va Germaniya bilan munosabatlar keskinlashib ketgan.
Manba: Kun.uz
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi