13:11 / 14.10.2018
4 685

Samaradagi qishloqda o‘zga dunyoga o‘tish uchun xizmat qiluvchi anomal hudud topildi

Samaradagi qishloqda o‘zga dunyoga o‘tish uchun xizmat qiluvchi anomal hudud topildi
Samaradagi oilalardan birining a’zolari qo‘ziqorin terish uchun o‘rmonga borishgandi. O‘rmon ichkarisida yurib ajabtovur bir hududga ro‘baro‘ bo‘lishdi. Hududda birinchidan, nafas olish qiyinlashdi. Ko‘zlar yoshlanib, yurak urishi odatdagidan bir necha o‘n karra tezroq ura boshladi. Ayniqsa, oilaning eng yosh vakillari yuzida qo‘rquv, qandaydir noma’lum holat namoyon bo‘ldi. Ular ota-onasiga ham qarab o‘tirmay, ura solib qochishdi. Oila boshliqlari ham aslida bo‘laricha bo‘lishgandi. Farzandlarining ortidan chopa ketishdi.

Keyinchalik o‘zlarini qo‘lga olgach, mutaxassislarga qo‘ng‘iroq qilib, shu haqda gapirib berishdi. Oldiniga mutaxassislar bu gaplarga e’tiborsizroq munosabat bildirishdi. Ammo gap g‘ayritabiiy manzara haqida bora boshlagach, ular sergak tortishdi va qo‘ng‘iroq qilganlardan bu anomal hududning aniq manzilini so‘rashdi.

Yetib kelishganda, haqiqatan ularning ham holatida salbiy o‘zgarishlar darrov ko‘zga tashlandi. Biroq mutaxassislar ilgari ham shunday manzaralarga guvoh bo‘lishgan chog‘i, o‘zlarini qo‘lga olib hududni suratga olishdi, videotasmaga ham yozib olishdi.

Surat va videoyozuvlar chuqur o‘rganib chiqilgach, mutaxassislarning bir guruhi anomal hudud aslida o‘zga sayyoraliklar kemalari qo‘nadigan joyga aylantirilganini, shu sababli daraxtlarning shoxlari favqulodda pastga qarab o‘sgan holda avtomat tarzda yer tubiga kirib ildiz ota boshlaganini aytishdi. Boshqa bir guruhdagilar esa o‘zlaricha alohida o‘rganib chiqib, hudud haqiqatan anomal ekani, xuddi shu yerdan o‘zga dunyoga o‘tish imkonini beruvchi portal mavjudligini ta’kidlashdi. Xuddi shu xulosalar hududni birinchi bo‘lib uchratgan oila a’zolariga ham haqiqatdek tuyuldi. Negaki, ular ham o‘zga dunyoga olib o‘tuvchi portallar haqida ilgari ko‘p o‘qishgan, ma’lumotlarga ega bo‘lishgan. Portallar mavjud anomal hududga kirib borgan odam xuddi shu Jemkovka qishlog‘idagi kabi o‘zini yomon his eta boshlarkan. Agar hudud ichkarisida ko‘proq vaqt turib qolsa, oldin hushini yo‘qotarkan va uyog‘iga nima bo‘lishini xudoning o‘zi bilarkan. Olimlar ta’biri bilan aytganda esa, odamning ruhi o‘zga dunyoga shu portal orqali kirib borarkan.

Ushbu voqea haqidagi bahslar to‘xtaganicha yo‘q. Internet saytlarda har kim o‘z fikrini oldinga surmoqda. Hududdagi daraxtlar shoxlarining pastga qarab o‘sib, keyinchalik yer tubiga kirib ketishi, alohida ildiz ota boshlashi ham turli ko‘rinishdagi bahs-munozaralarga sabab bo‘lmoqda.

Manba: Hordiq.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)