Saudiya Arabistoni Yevropadan rossiyalik neft yetkazib beruvchilarni siqib chiqarib, Yevropa va Osiyoning neft bozorlarida dempingni kuchaytirishda davom etmoqda.
Brent narxida $ 10–11 gacha bo‘lgan rekord chegirmalardan tashqari, qirollikning davlat tomonidan boshqariladigan neft kompaniyasi xaridorlarga oldindan to‘lovlarni kechiktirishni taklif qilmoqda. Bu haqda Reuters`ga tayanib Tarjumon.uz ma’lum qildi.
Osiyo va Yevropaning neftni qayta ishlash zavodlari yetkazib berish to‘lovini 90 kunga kechiktirish bo‘yicha saudiyaliklardan taklif olgan.
Kechiktirilgan to‘lovlar Saudiya banklari orqali rasmiylashtiriladi. Saudi Aramco «bizdan mavjud kelishuvga vekselni kiritish orqali tuzatishlarni amalga oshirishni so‘rashmoqda, bu esa sizga 90 kun ichida bank orqali to‘lovni amalga oshirishga imkon beradi», dedi Osiyo neftni qayta ishlash kompaniyasi vakili Reuters agentligiga.
OPEK + neft qazib olishni qisqartirish tarixida rekord darajadagi qisqartirish bo‘yicha va Saudiya Arabistoniga qaraganda bozordan ikki baravar ko‘p neft olib tashlashga rozilik bergan Rossiyaning deyarli so‘zsiz taslim bo‘lishi to‘g‘risidagi bitimga qaramay, Ar-Riyod «narxlar urushi»ni to‘xtatishga shoshilmayapti.
Dushanba kuni Saudi Aramco shimoliy-g‘arbiy Yevropaga yetkazib berish bo‘yicha chegirmalarini saqlab qolib, O‘rta yer dengizi va Osiyo uchun narxlarni oshirgan holda, may oyi uchun yetkazib berish narxlari ro‘yxatini e’lon qildi.
Saudiyaliklar uchun muhim hisoblangan osiyo bozorida Arab Super Light markasi 5,5 dollarga arzonlashidi va tarixda birinchi marta Oman/Dubai benchmarka narxiga 3,65 dollar chegirma bilan sotiladi.
Arab Extra Light narxi 4,3 dollarga, Arab Light -4,2 dollarga, Arab Medium va Arab Heavy navlarining narxi mos ravishda 3,35 va 2,95 dollarga arzonlashadi.
Janubiy Yevropa mamlakatlari uchun narxlar keskin pasayadi. Arab Extra Light chegirmasi deyarli ikki baravar – Brent narxiga nisbatan 5,8 dan 10,3 dollargacha oshiriladi.
Eslatib o‘tamiz, gap 30 dollarni tashkil etadigan fyuchers narxlari haqida ketmoqda, ya’ni Dated Brent markeri belgilaydigan spot narxlar haqida. O‘tgan hafta yakuniga ko‘ra uning o‘rtacha narxi 22,88 dollarni tashkil qildi. Shunday qilib, o‘ta yengil bo‘lgan saudiyaliklar nefti O‘rta Yer dengiziga bir barreli uchun 10,58 dollarga yetib kelishi mumkin.
Arab Light uchun chegirmalar bir barrel uchun 8,6 dan 10,3 dollarga (bu esa bir barrel uchun 10,58 dollarni tashkil etadi), og‘ir navlar uchun – 11,4 dollargacha oshiriladi.
Shimoli-g‘arbiy Yevropa uchun Arab Light navlarini yetkazib berish uchun Dated Brent -ga 10,25 dollar chegirma o‘z kuchida qoladi, bu esa 10,63 dollar haqiqiy narxni tashkil etadi. Ultra yengil Arab Extra Light neftining narxi 80 sentga – Brentga nisbatan esa minus 8,9 dollargacha pasayadi.
Saudi Aramco narxlar urushini to‘xtatishga rozi bo‘lgan yagona bozor Amerika bozori bo‘ldi. Amerika Qo‘shma Shtatlari uchun Saudiya nefti barcha navlar oralig‘ida bir barrel uchun 2,5-4,2 dollarga oshiriladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi
