Foto: Qozog‘iston hukumati sayti
O‘zbekiston bosh vaziri Abdulla Aripov va Qozog‘iston bosh vaziri Askar Mamin Turkiston viloyati Maqtaaral tumani markazi Mirzakent qishlog‘ida yangi aholi punkti qurilishiga start berishdi.
Abdulla Aripov va Askar Mamin Mirzakentda aholi vakillari bilan uchrashib, yangi mikrorayon qurilishi rejasi bilan tanishib, birinchi turarjoy binolarining poydevorini qo‘yish marosimida ishtirok etdi.
Bosh vazirlar Maqtaaraldagi Nurlijo‘l, Orgebas va Firdavsiy va Janajo‘l qishloq okruglarida ham bo‘lib, suv toshqini oqibatlarini bartaraf etish bo‘yicha amalga oshirilayotgan ishlar bilan tanishgan.
Avariya-qutqaruv ishlariga O‘zbekistondan 1300 kishi va 220ta texnika, jumladan 200dan ortiq mutaxassislar va 100dan ortiq o‘t o‘chirish mashinalari, ekskavatorlar, traktorlar, suv tortuvchi nasoslar va boshqa texnik vositalar yetib borgan.
Mirzakent posyolkasida toshqindan jabr ko‘rgan Zenis, Janaturmis va Dostik aholi punktlarida 500 oilalar uchun yakka tartibdagi turarjoylar, maktab, bolalar bog‘chasi va o‘rta tibbiyot markazlarini qurish rejalashtirilgan. Qurilish ishlari Qozog‘iston va O‘zbekiston mutaxassislari tomonidan birgalikda amalga oshiriladi.
Mamin va Aripov Firdavsiy qishlog‘ida vayron bo‘lgan uylarni tiklash ishlari bilan tanishib, mahalliy aholi vakillari bilan uchrashgan.
Mamin davlat rahbari topshirig‘i bilan Turkiston viloyatining Maqtaaral tumanida suv toshqinidan jabrlanganlarga yangi uylar qurib berilishi yoki uylari butunlay ta’mirlab berilishini ma’lum qilgan. Shuningdek, har bir oila respublika budjetidan 100 ming tenge oladi. Shuningdek, jabrlanuvchilarga ishbilarmonlar doirasi vakillari tomonidan homiylik yordamlari ko‘rsatiladi.
Eslatib o‘tamiz, 1 may kuni O‘zbekistonning Sirdaryo viloyati hududidagi Sardoba suv omborida to‘g‘on devori buzilishi oqibatida 276 kvadrat kilometrdan ortiq maydon suv ostida qoldi, shundan 76 km.kv maydon Qozog‘iston hududida joylashgan. Qozog‘iston hududida 10ta aholi punkti suv toshqinidan jabrlandi, 30 mingdan ortiq kishi evakuatsiya qilindi. Dastlabki ma’lumotlarga ko‘ra, ushbu hodisa oqibatida ko‘rilgan zarar miqdori 404 million tenge atrofida.
Hukumat ma’lumotiga ko‘ra, Turkiston viloyatidagi vaziyat barqarorlashgan. Maqtaaraldagi aholi punktlarida suv sathi pasaymoqda. Yettita qishloq aholisi uylariga qaytgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
