Turkiya prezidenti Toyyib Erdog‘an Ayo Sofiyaning maqomi muzeydan masjidga o‘zgarishi mumkinligi haqidagi bir qator davlatlarning tanqidini rad etdi, deya xabar beradi NTV telekanali.
“Biz boshqa mamlakatlarda ibodat qilmayotganimiz sababli, boshqa davlatlar bizning ibodatlarimizga aralashishga haqli emas. Ayo Sofiya mavzusida ilgari surilgan ayblovlar bizning suveren huquqlarimizga to‘g‘ridan-to‘g‘ri hujumdir”, dedi Erdog‘an.
Ayo Sofiya sobori - Vizantiya me’morchiligining yodgorligi. U 532-537 yillarda Konstantinopolning shon-sharafini abadiylashtirishga qaror qilgan imperator Yustinianning rahbarligi ostida qurilgan. O‘tgan asrning 40-yillarida, zamonaviy turk davlatining asoschisi Kamol Otaturk tomonidan imzolangan Turkiya hukumatining qaroriga binoan, kafedra muzeyga aylantirildi va xristian freskalari va mozaikalaridan ularni yashirgan qatlamlar olib tashlangan. 1985 yilda Ayo Sofiya YUNESKOning Butunjahon meros ob’ektlariga kiritilgan.
Eslatib o‘tish joizki, 2019 yilda Erdog‘an Ayo Sofiyaning maqomi muzeydan masjidga o‘zgartirilishi mumkinligini aytgan edi. Uning so‘zlariga ko‘ra, bu AQSHning Jo‘lan tepaliklari ustidan Isroil suverenitetini tan olishiga javob bo‘ladi.
Iyun oyida Erdog‘an soborning maqomini o‘zgartirishda Gretsiyaga "o‘z o‘rnini bilishni" maslahat berdi va bunday qarorlar uchun Turkiya parlamenti borligini aytdi.
2020 yil iyul oyi boshida Gretsiya hukumatining rasmiy vakili Stelios Petsas Gretsiya Turkiyani Istanbuldagi Ayo Sofiya muzeyi maqomini saqlab qolishga chaqirdi, chunki soborni masjidga aylantirish xristianlar va Turkiya o‘rtasida bo‘linishni keltirib chiqarishi mumkin.
Ammo “diniy tolerantlik”ni maslahat berayotgan Gretsiyaning o‘zi musulmonlarni har taraflama diskriminatsiya qilishda davom etmoqda. Masalan, Afinada jome masjidining ochilishi bir necha yillardan buyon cho‘zib kelinmoqda. Afina hududida masjid bo‘lmagan Yevropadagi yagona poytaxt shaharligicha qolmoqda.
Manba: Azon.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
