«Rus mafiyasi» a’zolaridan olingan ashyoviy dalillar.
Foto: Ispaniya milliy politsiyasi
Ispaniyada jinoiy tarmoqqa qarshi so‘nggi 10 yildagi eng katta operatsiya o‘tkazildi. «Rus mafiyasi»ga qarshi qaratilgan ushbu amaliyotda 23 kishi, jumladan, 8 nafar rossiyalik qo‘lga olingan, deya xabar bermoqda Ispaniyaning ABC nashri.
La mafia rusa tenía en Alicante una red clientelar de agentes, funcionarios y ediles https://t.co/ogqwvmF6qv Por @cruzmorcillo y @pablomunozabc
— ABC.es (@abc_es) December 17, 2020
Politsiya Alikante, Madrid, Tarragona va Ibitsada 18 ta tintuv o‘tkazib, jinoyatchilarga tegishli qurollar, $300 mingdan ziyod naqd pul, brilliantlar va 16 ta avtomobilni ashyoviy dalil sifatida qo‘lga kiritgan.
OAV ma’lumotlariga ko‘ra, rossiyalik shaxslar noqonuniy yuridik amaliyotlar, pullarni «yuvish» hamda odamlarni jinoiy guruhga jalb etishda gumon qilinyapti.
Ispan nashri qo‘lga olingan rossiyaliklardan to‘rt nafarining shaxsini ochiqladi. Ulardan biri — tadbirkor va yurist Aleksey Shirokov. Shirokov yuridik ta’limni Ispaniyada olgan, siyosiy doiralarda lobbist bo‘lgan. Tintuv davomida uning ham qurollari chiqqan. Shirokov ushbu ishga daxldor figurantlarga yuridik xizmatlar ko‘rsatib kelgan. Nashr bu figurantlarning faqat familiyalarini keltirdi: Mityurev — jinoiy tarmoqqa mijozlarni jalb etish bilan shug‘ullangan; Hakimov — pullarni yuvish bilan mashg‘ul bo‘lgan; Jijin — rosiyalik jinoyatchilarga pullarini chet elda yuvish uchun «tijoriy soyabon» yaratgan.
Shuningdek, muntazam Ispaniyaga kelib-ketib turgan, «rus mafiyasi» bilan to‘g‘ridan-to‘g‘ri aloqador, qurol, narkotiklar, odam savdosi bilan shug‘ullanishda gumon qilinayotgan Danilov familiyali kimsa haqida nashrda so‘z boradi. Danilov hozircha hibsga olingan emas.
OAV talqiniga ko‘ra, siyosatchilarni sotib olish, tungi klublar va yerlarni xarid qilish, xorijda jinoiy faoliyat ortidan kelgan pullarni yuvishni «rus mafiyasi» ishiga daxldor ushbu shaxslar o‘zlariga kasb qilib olishgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi