Italiya mafiyasi tez yordam mashinalariga sirenadan foydalanishni taqiqladi

^{Foto: Head Topics}
Neapolda Italiya mafiyasi bemor oldiga ketayotgan tez yordam mashinalariga sirenalarni o‘chirib yurishni va mayoqlarni yoqmaslikni buyurdi. Bu haqda The Times xabar berdi.

Mahalliy mafiya to‘dalariga tez yordam mashinalarining ovozi yoqmaydi, chunki u narkotik sotuvchilari va ularning mijozlarini qo‘rqitib yuboradi — ular yanglishib politsiya kelyapti deb o‘ylaydi.

Mafiya a’zolari tez yordam mashinasi haydovchilariga sirena va maxsus signaldan foydalanmasligini aytib, bir necha bor tahdid qilgan. Tez yordam xodimlari himoya qilishini so‘rab, politsiyaga murojaat qilgan.

Avvalroq yanvar oyida Italiyada mafiyaga qarshi keng ko‘lamdagi tezkor tadbirlar o‘tkazilgan edi.

Xabarda aytlishicha, politsiya mafiya to‘dasining 49 ta a’zosini hibsga olgan. Ular orasida Rosarno shahri meri va shahar kangashi a’zosi ham bor. Ular mafiya bilan aloqadorlikda va ovozlarni soxtalashtirishda ayblanmoqda. “Zamin” yangiliklarini “Twitter”da kuzatib boring