Италия мафияси тез ёрдам машиналарига сиренадан фойдаланишни тақиқлади

^{Фото: Head Topics}
Неаполда Италия мафияси бемор олдига кетаётган тез ёрдам машиналарига сиреналарни ўчириб юришни ва маёқларни ёқмасликни буюрди. Бу ҳақда The Times хабар берди.

Маҳаллий мафия тўдаларига тез ёрдам машиналарининг овози ёқмайди, чунки у наркотик сотувчилари ва уларнинг мижозларини қўрқитиб юборади — улар янглишиб полиция келяпти деб ўйлайди.

Мафия аъзолари тез ёрдам машинаси ҳайдовчиларига сирена ва махсус сигналдан фойдаланмаслигини айтиб, бир неча бор таҳдид қилган. Тез ёрдам ходимлари ҳимоя қилишини сўраб, полицияга мурожаат қилган.

Аввалроқ январь ойида Италияда мафияга қарши кенг кўламдаги тезкор тадбирлар ўтказилган эди.

Хабарда айтлишича, полиция мафия тўдасининг 49 та аъзосини ҳибсга олган. Улар орасида Росарно шаҳри мери ва шаҳар кангаши аъзоси ҳам бор. Улар мафия билан алоқадорликда ва овозларни сохталаштиришда айбланмоқда. “Замин” янгиликларини “Одноклассники”да кузатиб боринг