Foto: «TASS»
Rossiya prezidenti Vladimir Putin Belarus prezidenti Aleksandr Lukashenko bilan muzokaralar o‘tkazdi. Bu haqda Meduza xabar berdi.
Muzokaralar Sankt-Peterburg atrofida joylashgan Strelna posyolkasidagi Konstantin saroyida bo‘lib o‘tdi, suhbat besh soat-u 20 daqiqa davom etdi.
Rossiya prezidenti matbuot kotibi Dmitriy Peskovning ma’lum qilishicha, muzokaralar davomida tomonlar Rossiya 2022 yilda Belarusga gazni 2021 yilgi narxlarda sotishi to‘g‘risida kelishib oldi, narx indeksatsiya qilinmaydigan bo‘ldi.
Shuningdek, Putin va Lukashenko Rossiya neft sanoatida «soliq manyovri bilan bog‘liq kreditni qo‘llab-quvvatlash miqdorini kelishib oldi», dedi Peskov tafsilotlarga to‘xtalmasdan.
Lukashenko Minsk «qanday yo‘l bilan bo‘lmasin» kredit majburiyatlarini bajarishini va’da qilgan, Putin esa Belarusni «ishonchli va barqaror sherik» deb atagan.
Peskovning ta’kidlashicha, muzokaralar ishtirokchilari G‘arbning Belarusga qarshi sanksiyalari mavzusini muhokama qildi, «bojxona, soliqni tartibga solish, energetika kabi sohalarda ishlash bo‘yicha qadamlarni ishlab chiqdi», shuningdek «xalqaro vaziyat, mintaqaviy muammolar to‘g‘risida atroflicha fikr almashdi».
Kreml veb-saytiga joylashtirilgan muzokaralar qismining stenogrammasidan ma’lum bo‘lishicha, suhbat boshida Lukashenko Minskdan Sankt-Peterburgga «hech bo‘lmaganda bu issiqdan uzoq bo‘laman» degan fikrda tashrif buyurgan. Lekin ushbu shahardagi ob-havo Belarusdagidan farq qilmagan. Putin bunga javoban Sankt-Peterburgda havo harorati 30 darajagacha ko‘tarilganini aytdi, Lukashenko esa Belarusda 36 darajagacha bo‘lganini ta’kidladi.
Bu Aleksandr Lukashenko va Vladimir Putinning 2021 yil boshidan beri to‘rtinchi yuzma-yuz uchrashuvi. Birinchisi fevral oyida Sochida, ikkinchisi aprel oyida Moskvada, uchinchisi may oyida yana Sochida bo‘lib o‘tgandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi