Foto: Viktor Tolochko / RIA Novosti
Belarus Rossiyadan 1 mlrd dollardan ko‘proqqa qurol sotib olishni rejalashtirmoqda hamda Moskva bilan respublikaga S-400 majmualari yetkazilishini muhokama qilmoqda.
“Hozirda S-300 majmualari bilan Belarusning g‘arbiy yo‘nalishi to‘liq himoyalangan. Biroq bizda janubiy yo‘nalish ham qo‘shildi”, deb aytgan Lukashenko.
Belarus prezidentining ta’kidlashicha, Kremlda Rossiya prezidenti Vladimir Putin bilan o‘tgan muzokaralar davomida mudofaa va xavfsizlik masalalariga katta e’tibor qaratildi. Uning aytishicha, Putin unga ballistik raketalarga qarshi mo‘ljallangan yangi S-500 majmualari haqida so‘zlab bergan.
“Juda samarali majmua. Men unga S-400 haqida yana bir bor eslatib o‘tdim, uni qayerlarga qo‘ymoqchiligimizni aytdim. Bizga janubdan xavf vujudga kelmoqda. Biz bunga tayyorlanishimiz kerak – bizda Ukraina bilan 1200 kmlik chegara bor. Shu sababli ushbu perimetrni yopishimizga to‘g‘ri keladi. Bizga bunda S-400 juda qo‘l kelishi haqida gaplashdik”, deb ta’kidlab o‘tgan Lukashenko.
Belarus prezidenti 2025 yilgacha Minskka yetkaziladigan qurol uchun Rossiya rahbariyatiga minnatdorlik bildirgan. “Bu o‘nlab samolyotlar, ulardan bir qismi yetkazib berildi, bu bir necha o‘nlab Tor-M2 vertolyotlari. Juda katta hajm. Biz va Rossiya NATO qo‘shinlari bilan to‘qnash keladigan g‘arbiy yo‘nalishni juda jiddiy qabul qilamiz. Ular (NATO) o‘zini qanday tutayotganini ko‘ryapsiz-ku. Shu sababli 1941 yildagi voqealarni hisobga olib bo‘shashmaslik lozim. O‘shanda bizni tinchlatib, ig‘vogarliklarga javob qaytarmaslik aytilgandi. Keyin esa qaqshatqich zarbaga uchragandik va deyarli butun Belarus 2-3 oy ichida boy berilgandi. Tarix ko‘p narsaga o‘rgatadi”, deb aytgan Belarus rahbari.
Uning aytishicha, Belarus va Rossiya “o‘z raketalarini qo‘shni davlatlarga qaratmagan, samolyotlari ular hududiga zarba berish uchun shaylanmagan”. “Biz o‘z yerimizni himoyalashga tayyorlanmoqdamiz. Belarus-Rossiya ittifoqiga o‘zga yerlar kerak emas. O‘zimiznikini eplasak ham katta gap”, deb o‘z so‘zlarini nihoyalagan Lukashenko. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi