Ishga joylashish yoki oʻqishga kirishdan avval oʻtkaziladigan suhbat jarayoni – kuchli zoʻriqish. Siz bu ish sizga mos ekaningizni bilasiz va ishga oladigan odamda yaxshi taassurot qoldirishingizning oʻzi kifoya. Biroq asablar pand beradi. Bunday vaziyatda xotirjamlikni saqlash uchun nima qilish lozim?
Asosiy maʼlumotlarni biling
Suhbat qanday oʻtkazilishi muhim emas. U xoh telefon orqali, xoh kompaniya ofisida rekruterlar yoki top-menejerlar tomonidan oʻtkaziladimi, unga tayyorgarlik koʻrishingiz shart.
Kompaniya, boʻlajak ishingiz va vazifalaringiz toʻgʻrisidagi barcha maʼlumotlarni oʻrganing. Oʻzingiz haqingizda gapirib berishingiz, soʻralganida aytish uchun qisqa nutq tayyorlang. Tayyorgarlik – xavotirni yengishning eng yaxshi usuli.
Mashq qiling
Suhbat jarayonini doʻstingiz, oila aʼzolaringiz, ustozingiz bilan mashq qiling.
Amaliyot miyada tanlangan xulq-atvor tipiga javob beradigan neyron aloqalarni oʻrnatishda yordam beradi. Siz odat boʻyicha avtomatik tarzda javob berasiz. Bu neyron aloqalarini mustahkamlash orqali zoʻriqish holatida kerakli javobni aytish osonlashadi.
Tushkunlikka tushmang
Bari yaxshi ketayotgandek koʻrinsa ham ehtiyotkorlik bilan harakat qilish lozim. Oʻzingizga quloq soling. Ana oʻshanda ish qidirish uchun yana vaqt sarflashga toʻgʻri kelmaydi.
Oʻzingizni maslahat beruvchi odam sifatida tuting. Siz ham kompaniyani baholashingiz kerak. U sizga haqiqatan mos kelish-kelmasligini tushunishingiz lozim.
Muhimi – oʻzingizga ishonch
Psixologiyada ishonch tushunchasi odamning oʻz oldiga qoʻygan maqsadlariga erishishiga boʻlgan ishonchini anglatadi. Bu juda muhim xususiyat.
Oʻz koʻnikmalaringiz va jihatlaringizni oʻrganing. Agar oʻzingiz uchun yangi boʻlgan soha boʻyicha ishga joylashmoqchi boʻlsangiz, oʻtmishdagi qaysi tajribalaringiz sizga yordam berishi mumkinligi toʻgʻrisida oʻylab koʻring. Kuchli ishonch hissi lavozimni egallashga munosib ekaningizni ish beruvchiga yetkaza olish imkonini beradi.
Kuchingizni toʻgʻri baholang
Balki bitta kompaniyada koʻplab suhbatlardan oʻtishga toʻgʻri kelishi mumkin. Agar sizga bu jarayon juda choʻzilib ketgandek tuyulsa, ishga nisbatan avvalgidek ishtiyoq sezmasangiz, koʻnglingizga quloq solganingiz maʼqul.
Rezyumeda odamlar juda koʻp maʼlumot berganida oʻzini ideal nomzod sifatida koʻrsatishni istaydi. Biroq bu usul ish bermaydi. Baʼzida bu kabi nomzodlar aynan shu ishga kirish yoʻlida oʻzlariga salbiy tomonlarni “soʻrab olishadi”. Masalan, kam maoshga rozi boʻlishadi. Bunday qilish yaramaydi. Oʻzingizni tabiiy tuting.
Nafas oling
Ishga joylashish imkoniyatidan boshingiz koʻkka yetayotgan boʻlsa-da, bu jarayon uzoq va odamni charchatadigan boʻlishi mumkin.
Hordiq chiqarishning har bir daqiqasidan foydalaning. Masalan, kelasi safar suhbatga ketayotganingizda chuqur nafas oling. Yodingizda boʻlsin, siz ham joylashmoqchi boʻlgan ish joyingizni baholashingiz lozim. Haqiqatan ham u yerdagi odamlar sizga yoqyaptimi? Yoki ularning yonida oʻzingizni noqulay his qilganingiz uchun charchayapsizmi?
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?
