Foto: «World.com»
G‘arb sanksiyalari Rossiya ta’minot zanjirlarining uzilishiga, eksporti va importi uchun mamlakatlarning yopilishiga, yuk oqimining qisqarishiga va janubda suv va havo transportining vaqtincha to‘xtab qolishiga olib keldi, deb yozmoqda «Kommersant’».
Shu tufayli, Rossiya transport-logistika kompleksini qo‘llab-quvvatlashga qaratilgan qator yechimlarni ishlab chiqdi.
O‘zbekiston, Turkiya, Qozog‘iston va BAAda tranzit operatsiyalarini amalga oshirish markazlarini tashkil etib, u yerga «do‘stona bo‘lmagan» mamlakatlardan importni tashkil etish va keyinchalik ularni Rossiyaga eksport qilish shular jumlasidandir.
Bundan tashqari, Rossiya Iqtisodiy rivojlanish vazirligi tashqi iqtisodiy faoliyat ishtirokchilariga do‘st mamlakatlarda eksport-import imkoniyatlarini rivojlantirishda yordam bermoqda.
Xususan, O‘zbekiston, Eron va Belarusning tegishli vazirliklari bilan faol ish olib borilmoqda.
O‘zbekistonning Rostov-Don shahridagi bosh konsuli Rustam Qo‘rg‘onboyev mamlakatlar o‘rtasidagi tashqi savdo aylanmasi yildan yilga barqaror o‘sib borayotganini ta’kidladi.
- 2021 yil yakuniga ko‘ra, Rossiya 18 foiz, ya’ni qariyb 8 mlrd dollar bilan asosiy tashqi savdo hamkori bo‘ldi. Joriy yilda ham xalqaro munosabatlardagi barcha qiyinchiliklarga qaramay, o‘zaro tovar ayirboshlashda barqaror o‘sishga ishonamiz, — dedi Qo‘rg‘onboyev.
2022 yilda O‘zbekiston Rostov viloyati Savdo-sanoat palatasi va Iqtisodiy rivojlanish vazirligi bilan kelishuvlarni sezilarli darajada faollashtirish va har ikki yo‘nalishda kamida bitta delegatsiya tashkil etish niyatida.
- Respublika Don viloyatidan nafaqat sanoat mahsulotlari, balki oziq-ovqat mahsulotlarini ham import qilishdan manfaatdor, — deb ta’kidladi bosh konsul.
- Sanksiyalar ta’sirini ularni qo‘llab-quvvatlamaydigan davlatlar orqali shartnoma tuzib, reyeksport qilish orqali kamaytirish mumkin. Gap bojxona reyeksport tartibi tadbirkorlar orasida eng ko‘p talab qilinadigan O‘zbekiston, Serbiya va Turkiya haqida ketmoqda, — dedi Tashqi iqtisodiy faoliyat qo‘mitasi a’zosi Andrey Mishanov.
Bugungi kunda mahsulotlarni Rossiyaga qanday qilib yetkazib berish, kim bilan shartnomalar tuzish va sanksiyalar bosimi ostida to‘lovlarni qanday amalga oshirish masalalari ko‘rib chiqilmoqda.
Sanksiyalarni qo‘llab-quvvatlamaydigan davlatlar orqali vositachi sifatida shartnomalar tuzish va to‘lovlarni amalga oshirish orqali buni uddalasa bo‘ladi.
Biroq ko‘plab mamlakatlar tashqaridan ikkilamchi sanksiyalar tahdidi ostida va shuning uchun reyeksportni qayta ishlashga intilmayapti.
Masalan, bugungi kunda tadbirkorlar Qozog‘istonda korxonalar yaratish, mahalliy banklarda hisob raqamlarini ochishda muammolarga duch kelmoqda.
Ekspertning ta’kidlashicha, boshqa tomondan, Bojxona ittifoqiga kirmagan O‘zbekiston bor, reyeksport deklaratsiya qilish mumkin. Ham bevosita, ham bilvosita.
- Bu Rossiya biznesi uchun eng tushunarli va shaffof mamlakat, soliq qonunchiligi juda mo‘’tadil. Yagona salbiy narsa uzoq masofa, shuning uchun ham yuk tashish narxi juda katta, — deydi ekspert. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Harvard talabalari smart ko‘zoynak yordamida begonalarning shaxsini aniqlashga muvaffaq bo‘ldi
Kuzda immunitetni yaxshilash uchun nimalar iste’mol qilish kerak?
Eron oliy rahbari Yaqin Sharqni Isroilga qarshi isyon ko‘tarishga chaqirdi
Ramzan Qodirov urush ehtiyojlari uchun Rossiyaga 100 ta “Jihod mashinasi”ni berdi
Gvatemalada o‘zbek migrantlari kontrabandasi bilan shug‘ullangan politsiyachilar hibsga olindi
Eron oliy rahbari Isroil bo‘ylab raketa zarbasini qanday izohladi?
KXDR Ukrainadagi urush uchun Rossiyaga snaryadlar yetkazib bermoqda
Shimoliy Koreya «yangi davr» boshlanganini e’lon qildi
