O‘zbekistonda havo monitoringi va changni tozalash texnologiyalarini bojxona to‘lovlaridan ozod qilish bo‘yicha yangi qoidalar joriy etildi. Ushbu chora prezident Shavkat Mirziyoyev farmoni bilan tasdiqlandi.
Ro‘yxatga maxsus ekologik laboratoriyalar uchun uskunalar, avtomatlashtirilgan monitoring stansiyalari va chiqindilarni nazorat qilish uskunalari ham kiritilgan. Endilikda kuzatuv postlari, chang va gazni tozalash qurilmalari, mahalliy suv tozalash inshootlari hamda maishiy havo tozalagichlarni ham fuqarolar, ham tadbirkorlar boj to‘lovlarisiz olib kirishlari mumkin.
Ushbu o‘zgarishlar maishiy tozalagichlar narxini sezilarli darajada pasaytirishi kutilmoqda. Avvalroq ular uchun 20 foizlik bojxona to‘lovi, kamida 3 AQSh dollari miqdorida belgilangan edi.
Mehmon guruhidagi foydalanuvchilar ushbu nashrga izoh qoldira olmaydi.
