Bugun Munisa Rizayeva ko‘pchilikka muvaffaqiyatli xonanda sifatida tanish. Biroq uning san’atdagi ilk qadamlari musiqa bilan emas, kino olami bilan bog‘liq bo‘lganini hamma ham bilavermaydi. Munisa ilk mashhurlikka aynan filmlardagi rollari orqali erishgan. Quyida xonandaning kino faoliyatida muhim o‘rin tutgan 5 ta filmni yodga olamiz.
“Salom, Natasha”
Rejissyor: Otabek Mirzaxolov
Filmda Jahongir Foziljanov, Saida Rametova, Jumadulla Rametov va boshqa taniqli aktyorlar qatorida Munisa Rizayeva ham ishtirok etgan. Ushbu film uning kino olamidagi dastlabki jiddiy ishlardan biri hisoblanadi.
“Kichkina xo‘jayin”
Film aktyorlar tarkibida Ubaydullo Omon, Alisher Uzoqov, Javlon Shodmonov bilan birga Munisa Rizayeva ham rol ijro etgan. Tomoshabinlar bu kartinada Munisaning tabiiy va samimiy ijrosini alohida e’tirof etishgan.
“Hijron”
Rejissyor: Yodgor Nasirov
Filmda Munisa Malika ismli go‘zal, biroq injiq va irodali qiz obrazini gavdalantiradi. Tibbiyot institutida tahsil olayotgan Malikaning hayoti kutilmagan voqealar bilan keskin buriladi. Ushbu rol xonandaning dramatik obrazlarni ham muvaffaqiyatli ijro eta olishini ko‘rsatgan.
“Nafs”
Filmda Ulug‘bek Qodirov va Bobur Yo‘ldoshev bilan birga suratga tushgan Munisa Rizayeva murakkab insoniy tuyg‘ular aks etgan voqealar markazida bo‘ladi. “Nafs” filmi tomoshabinlar orasida katta muhokamalarga sabab bo‘lgan.
“Aql va yurak”
Rejissyor: Shakhlo Karimova
Filmda Alisher Uzoqov, Zarina Nizomiddinova, Sevara Soliyeva, Ulug‘bek Rahmatullayev kabi aktyorlar bilan birga Munisa Rizayeva ham rol ijro etgan. Ushbu kartina xonandaning kino faoliyatidagi eng muhim ishlardan biri sanaladi.
“Zamin”ni Telegramʻda oʻqing!
