09:15 / 29.10.2020
772

Toshkentda Rossiyaning savdo uyi ochildi

Toshkentda Rossiyaning savdo uyi ochildi
Toshkentda Rossiyaning umumiy maydoni 12 gektar bo‘lgan savdo va tarqatish uyi ochildi. Bu haqda "Dunyo" agentligi xabar bermoqda.
Kompleks 40 ming kv.m. ga mo‘ljallangan omborlardan, shuningdek alohida bojxona omboridan va konteynerlarni qabul qilish uchun yuk ortish va tushirish joylaridan iborat. Kirish yo‘llari majmuaning hududiga olib boradi.

2020-2021 yillarda savdo uyi hududida keng ko‘lamli texnika va uskunalar uchun ochiq ko‘rgazma maydonini qurish rejalashtirilgan bo‘lib, unga 1,5 ming kvadrat metrlik bojxona zonasi qo‘shiladi. 2021-2023 yillarda distribyutorlik markazida oziq-ovqat mahsulotlari va farmatsevtika mahsulotlarini saqlash uchun 3,5 ming kv.m. lik past haroratli omborlar paydo bo‘ladi.

Keyingi yilda Rossiya tovarlarini sotish bo‘yicha onlayn platformani ishga tushirish, shuningdek, O‘zbekistonning yirik aholi punktlarida yetkazib berish xizmati va buyurtma markazlarini yaratish rejalashtirilgan.

Eslatib o‘tamiz, Rossiya O‘zbekistonning Xitoydan keyin ikkinchi eng yirik savdo sherigi. 2020 yilning dastlabki uch oyida ushbu mamlakat bilan O‘zbekistonning tovar aylanmasi 3,1 milliard dollarni tashkil etdi. O‘zbekiston va Rossiya 5,8 milliard dollarga teng 100 ga yaqin investitsiya loyihalarini ishlab chiqmoqdalar. Bugungi kunda respublikada 2 mingdan ortiq. Rossiya kapitali ishtirokidagi korxonalar bor, yil boshidan buyon ularning soni 209 taga ko‘paydi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)