Qiziq, kishi o‘zi yashayotgan uyda ham o‘g‘rilik qilishi mumkinmi? Taassufki, shunaqasi ham bo‘lar ekan. “Yangi turmush” mahalla fuqarolar yig‘ini hududi yashovchi mehnat faxriysi Q. I. “Temir sandig‘imdan 600 AQSH dollari miqdoridagi pulimni o‘g‘irlab ketishibdi” deya Buxoro tuman ichki ishlar bo‘limiga murojaat qilganida hech kim o‘g‘ri shu uydan topiladi, deb o‘ylamagan edi.
Qilni qirq yoradigan ichki ishlar tezkor xodimlari jinoyatchining kimligini aniqlashdi. O‘g‘ri shu xonadonda yashovchi, jabrdiydaning kelini M. S. bo‘lib chiqdi. U qaynotasining uyda yo‘qligidan foydalanib, ochiq holda qolgan sandiqdan pullarni yashirincha o‘margan ekan. Tabiiyki, o‘g‘irlik qilgan kelinga nisbatan O‘zbekiston Respublikasi Jinoyat kodeksining tegishli moddasi bilan jinoyat ishi ochildi. Hozir tergov harakatlari olib borilmoqda.
Maqolaga shu bilan nuqta qo‘yishimiz ham mumkin edi. Ammo tuman ichki ishlar bo‘limiga qilingan yana bir murojaat e’tiborimizni tortdi. Unda “Novmetan” mahalla fuqarolar yig‘inida yashovchi A. A. o‘z uyidan onasiga tegishli 7 million 700 ming so‘mlik tilla taqinchoqlar o‘g‘irlab ketilganini bayon etgan. Surishtiruv ishlaridan so‘ng bu o‘g‘irlikni A. A.ning turmush o‘rtog‘i N. S. sodir qilgani aniqlandi. Kelin qurmagur qaynonasini tunagan ekan.
Qo‘li egri kelinlarga jazo muqarrar. Ammo endi ular ko‘cha-kuyda qanday bosh ko‘tarib yurishadi?! O‘z yaqinlarining ko‘zlariga qanday qaray olisharkan?!
Manba: Xalq so‘zi “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi
