5 272
Shavkat Mirziyoyev iqtisodiyot tarmoqlaridagi qarzdorliklar bo‘yicha yig‘ilish o‘tkazdi
Foto: «President.uz»
O‘zbekiston Respublikasi Prezidenti Shavkat Mirziyoyev bugun, 17 aprel kuni iqtisodiyot tarmoqlarida hisob-kitob tizimini takomillashtirish, debitor, kreditor va byudjet oldidagi qarzdorliklarni qisqartirish bo‘yicha ko‘rilayotgan chora-tadbirlar tahliliga bag‘ishlangan yig‘ilish o‘tkazdi.
Davlat rahbari uzoq yillardan beri iqtisodiyot tarmoqlarida pul oqimi samarasiz boshqarilgani va nomutanosib taqsimlangani oqibatida qarzdorlik holatlari ko‘payib ketganini ta’kidladi. Bu haqda Prezident matbuot xizmati xabar berdi.
Buni bartaraf etish bo‘yicha keyingi vaqtlarda qator ishlar amalga oshirildi. O‘zbekiston Respublikasi Prezidentining 2017 yil 29 maydagi “Elektr energiyasi va tabiiy gaz yetkazib berish hamda iste’mol qilish sohasida to‘lov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari to‘g‘risida”gi farmoniga muvofiq bu borada yangi tizim yaratildi. O‘zbekiston Respublikasi Bosh prokuraturasi huzurida Majburiy ijro byurosi tashkil etildi.
“O‘zbekneftegaz” kompaniyasi va “O‘zbekenergo” jamiyatining umidsiz debitor qarzdorliklari hisobdan chiqarildi. “O‘zagrokimyoximoya” aksiyadorlik jamiyatining kreditor qarzdorliklari byudjet ssudalari orqali kamaytirildi. Neftni qayta ishlash korxonalari ixtiyorida bir yilda 670 milliard so‘m, elektr stansiyalari hisobida 100 milliard so‘m mablag‘ qoldirildi.
Fermer xo‘jaliklari tugatilishi va qayta tashkil etilishi evaziga tijorat banklari yo‘qotgan likvidlik byudjet mablag‘lari hisobiga qoplab berildi.
Yig‘ilishda ko‘rilayotgan chora-tadbirlar yaxshi samara berayotgani, lekin bu hali yetarli emasligi ta’kidlandi. Joriy yil 1 mart holatiga ko‘ra, iqtisodiyot tarmoqlarida jami debitor va kreditor qarzdorlik o‘tgan yilga nisbatan mos ravishda 16 va 13 foizga oshgani tanqidiy tahlil qilindi.
Prezident Shavkat Mirziyoyev har bir korxonaning barqarorligi aniq hisob-kitobga bog‘liqligi, rahbarlar faoliyati shunga qarab baholanishini ta’kidladi.
Ayrim tarmoqlarda mahsulot ishlab chiqarish va realizatsiya qilishda nomutanosiblik borligi, qarzdorlikni undirish tizimi samarasizligi, mavjud javobgarlik choralari mansabdor shaxslar va fuqarolarning to‘lov mas’uliyatini oshirish uchun yetarli emasligi qayd etildi.
Debitor qarzdorlik hamon yuqoriligicha qolayotgan kompaniya va korxonalar ko‘rsatib o‘tildi. Iqtisodiyot tarmoqlarida hisob-kitob tizimini takomillashtirish, debitor, kreditor va byudjet oldidagi qarzdorliklarni qisqartirish, soliq, bank, xizmat ko‘rsatuvchi va boshqa idoralar o‘rtasida har oy yakunida o‘zaro qarzdorlik holatini solishtirib borish tizimini joriy etish bo‘yicha topshiriqlar berdi. Tashkilotlar o‘rtasida elektron hamkorlik va ma’lumot almashinuvini rivojlantirish zarurligi ta’kidlandi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi