Shoqosim Shoislomovning Birinchi Prezidentimiz Islom Karimov haqidagi xotiralari (video)

Islom Karimov nomidagi jamoatchilik fondining Feysbukdagi sahifasida Shoqosim Shoislomovning Birinchi Prezident haqidagi xotiralari e’lon qilindi. Uni to‘lig‘icha keltirib o‘tamiz.

«O‘zbekistonga qarshi boshlangan qatag‘on kampaniyasi avjiga chiqqan kezlarda Kremldagilar, nihoyat, respublika boshqaruv idoralarini Ittifoqning turli hududlaridan keltirilgan kadrlar bilan muttasil to‘ldirib borish mumkin emasligini tushunib yetdilar. 1986 yilning boshida Moskvada (keyinchalik turli lavozimlarda foydalanish uchun) 35 yoshdan katta bo‘lmagan 40 kishidan iborat «yosh kadrlar zaxirasi»ni tuzishga qaror qilishdi. Markaziy Qo‘mita tashkiliy bo‘limi instruktori lavozimida ishlayotgan kamina ham ushbu guruhga olindi. G‘oya tashabbuskorlarining rejasiga ko‘ra, ushbu guruhni muntazam o‘qitish, respublika rahbariyati bilan uchrashuvlar tashkil etish va boshqa tadbirlar ko‘zda tutilgan edi.

1986 yil mart oyida bizga O‘zbekiston SSR Ministrlar Kengashi raisining o‘rinbosari – Davlat reja qo‘mitasi raisi bilan uchrashuv bo‘lib o‘tishi ma’lum qilindi. Shanba kunlaridan birida biz Ministrlar Kengashi binosining oltinchi qavatidagi zalda yig‘ildik. Zalga ko‘rinishidan yosh, tik qomatli kishi kirib keldi. Bu Islom Abdug‘aniyevich Karimov edi. U kishi vazminlik bilan, hissiyotlarga berilmay, respublika iqtisodiyotining ahvoli haqida so‘zlab berishlarini aytdilar. Keyin esa qog‘ozga qaramasdan, 40 daqiqa davomida bizning tasavvurlarimizni ostin-ustun qilib yuborgan holatlar haqida hikoya qildilar. O‘sha davr matbuoti va televideniyesida e’lon qilingan «Sharqdagi sotsializm mash’alasi» qo‘lga kiritayotgan davomli muvaffaqiyatlar haqidagi g‘alaba hisobotlariga o‘rganib qolgan emasmizmi, biz, eshitganlarimizdan shunchaki o‘zimizni yo‘qotmadik, balki yakson etilgan holga tushdik. O‘zbekiston ijtimoiy-iqtisodiy holatini ipidan ignasiga qadar yaxshi bilgan Islom Abdug‘aniyevich dahshatli raqam va faktlarni keltirgan edilar. Ma’lum bo‘lishicha, respublikamiz aholi jon boshiga to‘g‘ri keladigan barcha ko‘rsatkichlar bo‘yicha sobiq Ittifoqda so‘nggi o‘rinlarda ekan.

Go‘yo azaxonaga aylangan zalda yurakni ezadigan sukunat hukm surar edi. Guruhning aksar a’zolari mintaqalardan – viloyat va tuman darajasidagi rahbar xodimlar edi. Keltirilgan dalillar, ayniqsa, ularga favqulodda ta’sir etgandi.

Islom Abdug‘aniyevich so‘zlarini yakunlab, savollar bormi, deb so‘radilar. Barchamiz o‘zimizni yo‘qotib, boshimizni xam qilgancha, jimgina o‘tirar edik. Garchi «oshkoralik» deb atalgan davr e’lon qilingan bo‘lsa-da, bu – ochiqligi va baho-munosabatlarning shafqatsizligi jihatidan favqulodda kutilmagan chiqish edi. Negaki, o‘sha kuni aytilgan aksar fikrlar hattoki tor doira yoki ishonchli do‘stlar davrasida ham ming bir ehtiyotkorlik bilan muhokama etiladigan gaplar edi.

Cho‘zilib ketgan sukunat sabab yuzaga kelgan o‘ng‘aysizlikni yo‘qotish uchun men guruhboshi sifatida «O‘zbekistondagi vaziyat shu qadar og‘ir ekan, respublika rahbariyati nega chora ko‘rmayotir?» deb savol berdim. Islom Abdug‘aniyevich zalga diqqat bilan razm solib chiqqach, «Men ham shuni bilishni istar edim», dedilar. Ya’ni halokatli vaziyat xususidagi haqiqatlarni shaxsiy tashabbuslari bilan oshkor qilganlari ma’lum bo‘ldi. Bu voqea O‘zbekistonda Anishev va uning to‘dasi hukmfarmolik qilayotgan, ular partiya Markaziy Qo‘mitasi, Sovet ittifoqining Davlat xavfsizlik qo‘mitasi (KGB), Ichki ishlar vazirligi, Bosh prokuratura va boshqa huquq-tartibot idoralari, umuman, butun hokimiyatni egallab olgan davrda ro‘y bergan edi. Islom Karimov bu bilan mislsiz jasorat ko‘rsatganlarini ta’kidlashga hojat bo‘lmasa kerak: zero, u kishi hamma yerda ayg‘oqchi va josuslar hoziru nozir ekanini yaxshi bilar edilar.

Vatanparvarlik, badnom etilgan millat qayg‘usi, sobiq Ittifoqning turli hududlaridan kelgan muttahamlar galasi tomonidan g‘orat etilayotgan Vatan taqdiriga kuyinish kabi xislatlar u kishini ana shunday mardonavor harakatga undagan edi.

…Bu voqeadan bir necha oy keyin Islom Karimovni o‘sha davrda eng og‘ir holatda bo‘lgan Qashqadaryo viloyatiga yuborishdi. Muammolar girdobida qolgan viloyat rahbariyatidan istagancha kamchilik topish mumkin – g‘animlar aqlli, qat’iy irodali ekani bois ularga nomaqbul bo‘lgan insondan shu yo‘l bilan qutulishni ko‘zlagan edilar.

O‘zbekistonning bo‘lajak rahbari keyinchalik qanday mashaqqatli siyosiy yo‘lni bosib o‘tgani ko‘pchilikka ma’lum. «Yosh kadrlar zaxirasi» g‘oyasiga kelsak, Markazning boshqa ko‘plab tashabbuslari kabi, bu tashabbus ham biz hikoya qilgan uchrashuvdan keyin bekor bo‘ldi va boshqa eslanmadi».

Muallif haqida: 2005 yildan 2018 yilgacha O‘zbekistonning Tojikistondagi Favqulodda va muxtor elchisi, 2018 yildan boshlab O‘zbekiston kasaba uyushmalari federatsiyasi qoshidagi Axborot-tahlil markazi direktori lavozimida ishlab kelmoqda.

Воспоминания Шоисламова
(Ўзбек тилида қуйида ўқинг) RU: Из воспоминаний Шокасыма Шоисламова. «В разгар начавшейся кампании репрессий против Узбекистана в Кремле наконец-то поняли, что нельзя бесконечно наводнять структуры страны привозными кадрами. В начале 1986 года в Москве приняли решение создать «молодой резерв кадров» (для последующего использования на различных должностях) в количестве 40 человек возрастом не старше 35 лет. Меня, инструктора орготдела ЦК, также включили в этот состав. По замыслу инициаторов, предполагалось организовать систематическую учебу этой группы, встречи с руководящим составом республики и т.д. В марте 1986 года нам объявили, что состоится встреча с заместителем председателя Совета Министров, председателем Госплана Узбекской ССР. В один из субботних дней мы собрались в зале на шестом этаже здания Совмина. К нам вышел моложавый, подтянутый человек. Это был Ислам Абдуганиевич Каримов. Бесстрастно, без каких-либо эмоций он сообщил, что расскажет нам о состоянии экономики республики. Затем, не заглядывая в бумаги, в течение часа 40 минут излагал информацию, которая повергла нас в шок. Привыкшие к победным реляциям тогдашних газет и телевидения о непрерывных успехах «маяка социализма на Востоке», мы были не просто растеряны, а раздавлены услышанным. Разложив по полочкам социально-экономическое положение Узбекистана, Ислам Каримов приводил убийственные цифры и факты. Получалось, что практически по всем показателям на душу населения республика была на последних местах в бывшем Союзе. В зале стояла мертвая, тягостная тишина. Большинство членов группы представляли регионы – руководящие работники областного и районного звена. Для них услышанное оказалось особенно шокирующим. По завершении выступления Ислам Абдуганиевич поинтересовался, есть ли вопросы. Все сидели молча, подавленные, не поднимая головы. Несмотря на уже объявленную так называемую «гласность», это выступление было чрезвычайно неожиданным по степени откровенности и жесткости оценок. Даже часть из услышанного тогда очень робко обсуждалась на кухнях или в кругу наиболее доверенных друзей. Чтобы преодолеть неловкость от затянувшейся паузы, я как староста группы задал вопрос: «Если положение Узбекистана настолько тяжелое, куда смотрит руководство республики?» Ислам Каримов внимательно посмотрел в зал, а потом произнес: «Я бы тоже хотел это знать». То есть стало понятно, что правду о катастрофическом положении он рассказал по собственной инициативе. И это в период, когда в Узбекистане вовсю распоряжались Анищев и его клика в ЦК, КГБ, МВД, Генпрокуратуре и других ключевых силовых органах, захватив всю полноту власти. Излишне говорить, что со стороны Ислама Каримова это был чрезвычайно смелый поступок: он не мог не понимать, что и так находится «под колпаком» стукачей и соглядатаев. Считаю, что этот поступок был продиктован главным образом патриотизмом и болью за свою оболганную нацию, Родину, терзаемую разного рода проходимцами, которые слетелись как воронье со всех концов бывшего Союза. …Буквально через пару месяцев Ислам Каримов был переведен в самую тяжелую по тем временам Кашкадарьинскую область. Расчет, по-видимому, был на то, что всегда можно найти недостатки в руководстве областью и окончательно расправиться с умным, волевым и поэтому неугодным человеком. Дальнейшие вехи карьеры будущего руководителя Узбекистана общеизвестны. Что касается самой идеи «молодого резерва кадров», то, как и многие инициативы тогдашнего Центра, после упомянутой встречи она была свернута и забыта». (Автор: с 2005 по 2018 год работал Чрезвычайным и Полномочным Послом Узбекистана в Таджикистане. С 2018 года является директором Информационно-аналитического центра при Федерации профсоюзов Узбекистана.) UZ: Шоқосим Шоисломов хотираларидан. “Ўзбекистонга қарши бошланган қатағон кампанияси авжига чиққан кезларда Кремлдагилар, ниҳоят, республика бошқарув идораларини Иттифоқнинг турли ҳудудларидан келтирилган кадрлар билан муттасил тўлдириб бориш мумкин эмаслигини тушуниб етдилар. 1986 йилнинг бошида Москвада (кейинчалик турли лавозимларда фойдаланиш учун) 35 ёшдан катта бўлмаган 40 кишидан иборат “ёш кадрлар захираси”ни тузишга қарор қилишди. Марказий Қўмита ташкилий бўлими инструктори лавозимида ишлаётган камина ҳам ушбу гуруҳга олинди. Ғоя ташаббускорларининг режасига кўра, ушбу гуруҳни мунтазам ўқитиш, республика раҳбарияти билан учрашувлар ташкил этиш ва бошқа тадбирлар кўзда тутилган эди. 1986 йил март ойида бизга Ўзбекистон ССР Министрлар Кенгаши раисининг ўринбосари – Давлат режа қўмитаси раиси билан учрашув бўлиб ўтиши маълум қилинди. Шанба кунларидан бирида биз Министрлар Кенгаши биносининг олтинчи қаватидаги залда йиғилдик. Залга кўринишидан ёш, тик қоматли киши кириб келди. Бу Ислом Абдуғаниевич Каримов эди. У киши вазминлик билан, ҳиссиётларга берилмай, республика иқтисодиётининг аҳволи ҳақида сўзлаб беришларини айтдилар. Кейин эса қоғозга қарамасдан, 40 дақиқа давомида бизнинг тасаввурларимизни остин-устун қилиб юборган ҳолатлар ҳақида ҳикоя қилдилар. Ўша давр матбуоти ва телевидениесида эълон қилинган “Шарқдаги социализм машъаласи” қўлга киритаётган давомли муваффақиятлар ҳақидаги ғалаба ҳисоботларига ўрганиб қолган эмасмизми, биз, эшитганларимиздан шунчаки ўзимизни йўқотмадик, балки яксон этилган ҳолга тушдик. Ўзбекистон ижтимоий-иқтисодий ҳолатини ипидан игнасига қадар яхши билган Ислом Абдуғаниевич даҳшатли рақам ва фактларни келтирган эдилар. Маълум бўлишича, республикамиз аҳоли жон бошига тўғри келадиган барча кўрсаткичлар бўйича собиқ Иттифоқда сўнгги ўринларда экан. Гўё азахонага айланган залда юракни эзадиган сукунат ҳукм сурар эди. Гуруҳнинг аксар аъзолари минтақалардан – вилоят ва туман даражасидаги раҳбар ходимлар эди. Келтирилган далиллар, айниқса, уларга фавқулодда таъсир этганди. Ислом Абдуғаниевич сўзларини якунлаб, саволлар борми, деб сўрадилар. Барчамиз ўзимизни йўқотиб, бошимизни хам қилганча, жимгина ўтирар эдик. Гарчи “ошкоралик” деб аталган давр эълон қилинган бўлса-да, бу – очиқлиги ва баҳо-муносабатларнинг шафқатсизлиги жиҳатидан фавқулодда кутилмаган чиқиш эди. Негаки, ўша куни айтилган аксар фикрлар ҳаттоки тор доира ёки ишончли дўстлар даврасида ҳам минг бир эҳтиёткорлик билан муҳокама этиладиган гаплар эди. Чўзилиб кетган сукунат сабаб юзага келган ўнғайсизликни йўқотиш учун мен гуруҳбоши сифатида “Ўзбекистондаги вазият шу қадар оғир экан, республика раҳбарияти нега чора кўрмаётир?” деб савол бердим. Ислом Абдуғаниевич залга диққат билан разм солиб чиққач, “Мен ҳам шуни билишни истар эдим”, дедилар. Яъни ҳалокатли вазият хусусидаги ҳақиқатларни шахсий ташаббуслари билан ошкор қилганлари маълум бўлди. Бу воқеа Ўзбекистонда Анишев ва унинг тўдаси ҳукмфармолик қилаётган, улар партия Марказий Қўмитаси, Совет иттифоқининг Давлат хавфсизлик қўмитаси (КГБ), Ички ишлар вазирлиги, Бош прокуратура ва бошқа ҳуқуқ-тартибот идоралари, умуман, бутун ҳокимиятни эгаллаб олган даврда рўй берган эди. Ислом Каримов бу билан мислсиз жасорат кўрсатганларини таъкидлашга ҳожат бўлмаса керак: зеро, у киши ҳамма ерда айғоқчи ва жосуслар ҳозиру нозир эканини яхши билар эдилар. Ватанпарварлик, бадном этилган миллат қайғуси, собиқ Иттифоқнинг турли ҳудудларидан келган муттаҳамлар галаси томонидан ғорат этилаётган Ватан тақдирига куйиниш каби хислатлар у кишини ана шундай мардонавор ҳаракатга ундаган эди. …Бу воқеадан бир неча ой кейин Ислом Каримовни ўша даврда энг оғир ҳолатда бўлган Қашқадарё вилоятига юборишди. Муаммолар гирдобида қолган вилоят раҳбариятидан истаганча камчилик топиш мумкин – ғанимлар ақлли, қатъий иродали экани боис уларга номақбул бўлган инсондан шу йўл билан қутулишни кўзлаган эдилар. Ўзбекистоннинг бўлажак раҳбари кейинчалик қандай машаққатли сиёсий йўлни босиб ўтгани кўпчиликка маълум. “Ёш кадрлар захираси” ғоясига келсак, Марказнинг бошқа кўплаб ташаббуслари каби, бу ташаббус ҳам биз ҳикоя қилган учрашувдан кейин бекор бўлди ва бошқа эсланмади”. (Муаллиф: 2005 йилдан 2018 йилгача Ўзбекистоннинг Тожикистондаги Фавқулодда ва мухтор элчиси, 2018 йилдан бошлаб Ўзбекистон касаба уюшмалари федерацияси қошидаги Ахборот-таҳлил маркази директори лавозимида ишлаб келмоқда.)
Опубликовано Karimov Foundation - Каримов Фонди Суббота, 23 июня 2018 г.

O'zbekiston yangiliklari Yangiliklar