Andijonda Nexia haydovchisi ikki bolani piyodalar yo‘lagida urib yubordi

Andijon viloyatida 12-oktyabr kuni ikki bolа ishtirokida yo‘l-transport hodisasi sodir bo‘ldi, deb UPL.uz xabar berdi. Nexia rusumidagi yengil avtomashina haydovchisi piyodalar yo‘lagidan o‘tayotgan ikki bolani urib ketgan.

Hodisa soat 14:30 atrofida A-373 xalqaro avtomobil yo‘lining 343-chaqirig‘i, Andijon tumanidagi "Kurama" mahallasi hududida sodir bo‘ldi. Avtomobilni 1969-yilda tug‘ilgan S.R. boshqarib borayotgani ma’lum qilindi.

To‘qnashuv natijasida bolalardan biri — o‘ng oyog‘ining yopiq sinishiga uchragan va tez tibbiy yordam markaziga yetkazilib, shifoxonaga yotqizilgan. Ikkinchi bola omon qolgan. Hozirda mazkur holat yuzasidan tergovgacha tekshiruv ishlari olib borilmoqda.