Markaziy bank Boshqaruvining qarori bilan O‘zbekiston Respublikasi banklarida ochiladigan bank hisobvaraqlari to‘g‘risidagi yo‘riqnomaga o‘zgartirish va qo‘shimchalar kiritildi, deb yozmoqda Norma.
Birinchidan, banklar tomonidan bank hisobvarag‘ini ochish va unga xizmat ko‘rsatish chog‘ida tadbirkorlik sub’ektlaridan hujjatlarga muhr qo‘yish yoki hujjatlarni muhr bilan tasdiqlashni talab etish taqiqlandi.
Tadbirkorlik sub’ektida muhr mavjud bo‘lgan taqdirda ham ushbu taqiq qo‘llaniladi. Tadbirkorlik sub’ektlari turlari (yakka tartibdagi tadbirkorlar, mikrofirmalar, kichik korxonalar, yirik biznes) bo‘yicha ham farqlanmaydi.
Endi hujjatlar aylanmasida faqat imzolar namunalari qo‘yilgan varaqchalardan (ilgari – imzolar namunalari va muhr izi qo‘yilgan varaqchalar) foydalaniladi. Tadbirkorlik sub’ektlari va ular sirasiga kirmaydigan xo‘jalik yurituvchi sub’ektlar uchun varaqchalarning yangi namunalari tasdiqlandi.
Ikkinchidan, ta’sischilari O‘zbekiston rezidenti – jismoniy shaxslardan iborat bo‘lgan yuridik shaxslar davlat ro‘yxatidan o‘tish jarayonida milliy va chet el valyutasidagi bank hisobvarag‘ini masofadan turib ochishlari mumkin.
Bank hisobvarag‘ini ochishda bank hisobvarag‘i shartnomasi ofertasini akseptlash (ya’ni bank taklif etayotgan shartlarga so‘zsiz rozilik berish) yo‘li bilan tuziladi.
Shu bilan birga yuridik shaxslar faqat imzolar namunalari qo‘yilgan varaqcha (2 nusxada), shuningdek birinchi va ikkinchi imzo egalarining shaxsini tasdiqlovchi hujjatlarni taqdim etgandan keyingina to‘lovlarni amalga oshirishlari mumkin. Bank xodimlari shaxsiy hujjatlardan nusxa olib, aslini qaytarib beradilar.
Hujjat 25.10.2018 yildan kuchga kirdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
