Joriy yilning yanvar oyida Oliy Majlis Qonunchilik palatasi deputati Ulugʻbek Samatov Shayxontohur tumanidagi “Kattahovuz”, “Suzuk ota”, “Eshonguzar”, “Yangi Kamolon”, “Kamolon” mahallalarida boʻlib, u yerdagi vaziyatni oʻrgangandi.
Shu asosda, fevral oyida Toshkent shahar hokimi Jahongir Ortiqxoʻjayevga Shayxontohur tumanida yashovchi fuqarolarga qulayliklar yaratish hamda mahalla fuqarolari yigʻinlari xodimlarini zarur shart-sharoitlar bilan taʼminlash borasida shahar hokimligi tomonidan rejalashtirilayotgan ishlar yuzasidan axborot berishlari toʻgʻrisida soʻrovnoma yuborilgandi.
Mazkur deputatlik soʻroviga Toshkent shahar hokimi Jahongir Ortiqxoʻjayevdan javob xati keldi. Bu haqda Adolat sotsial-demokratik partiyasi Matbuot xizmati xabar berdi.
Unda “Yangi Kamolon” va “Kamolon” MFYlarida mahalla markazi, savdo va maishiy shaxobchalar tashkil etilishi, “Suzuk ota” mahallasining qolgan ichki yoʻllarini asfaltlash ishlari 2019 yilning oxirigacha amalga oshirilishi rejalashtirilganligi koʻrsatilgan. Hududdagi “Kattabogʻ” mahallasida maktabgacha taʼlim muassassasi ochish lozimligi borasidagi murojaatga, hozirda Toshkent shahri boʻyicha ehtiyoj bor tumanlarda davlat yoki davlat-xususiy sherikchilik asosida MTMlarini tashkil etish yuzasidan ishlar amalga oshirilayotgani toʻgʻrisida axborot berilgan.
Shuningdek, “Kattabogʻ” mahallasidagi Kattabogʻ, Atirgul va Samarqand Darvoza koʻchalariga oqava suv tarmogʻini qurib, shahar oqava suv tarmogʻiga ulash ishlarini Toshkent shahar bosh rejasi tasdiqlangandan soʻng amalga oshirilishi maqsadga muvofiq ekanligi keltirilgan. Ushbu reja konsepsiyasi Oʻzbekiston Respublikasi Prezidenti Administratsiyasining topshirigʻiga asosan, joriy yilning 20 may kuniga qadar ishlab chiqilishi belgilanganligi maʼlum qilingan.
Shu bilan birga, deputatlik soʻrovida keltirilgan kamchiliklarni bartaraf etish Toshkent shahar hokimligi nazoratida ekanligi bildirilgan.
Oʻz navbatida partiya javob xatida koʻrsatilgan muddatlarda hokimlik nazorati ostida yuqorida keltirilgan mahallalarda aholi uchun kerakli qulayliklar yaratilishiga umid bildirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi