HSH telegram kanali respublikamizdagi eng yosh partiya - O‘zbekiston Ekologik partiyasining saylovoldi kampaniyasi deyarli sezilmayotgan bir vaqtda ularga piar uchun tekin maslahat berdi.
3-4 kun muqaddam Internetning milliy segmenti Dubay shahzodasining Navoiy viloyatidagi ov tafsilotlari bilan to‘lib toshdi.
Garchi, bu ovni amalga oshirish o‘zaro kelishuv, mavjud normativ hujjatlar talablariga binoan o‘tkazilgan bo‘lsa-da, ko‘plab o‘zbekistonliklarning bundan g‘ashi kelgani rost. Shunchaki sening yurtingda, sening tuprog‘ingda o‘zga diyordan kelganlar nega ko‘ngli tusaganini qilishi kerak degan savol Vatanini sevgan har bir odamda tug‘iladi. Va tushuninglar, bu tabiiy hol.
Bunday vaziyatda bu g‘ashlikni tarqatishning birdan bir yo‘li – Ekologiya va atrof-muhitni muhofaza qilish davlat qo‘mitasi jim turgan bir paytda ushbu ov haqidagi ma’lumotlarni Ekologik partiya e’lon qilish mumkin emasmi?
- O‘zbekistonda xorijiy shaxslar tomonidan ov qilishning tartiblari qanday?
- Shahzoda qanday turdagi yovvoyi hayvonlarni qancha miqdorda ovladi?
- Buning uchun davlat byudjetiga qancha to‘lov undirildi?
Shahzodaning tuvaloqlarni-ku ovlashini tushunishimiz mumkin (o‘zlari ko‘paytirishyapti-da). Ammo, ov haqidagi videolavhalarda tovushqonlar (yovvoyi quyonlar)ning ovlanganini ko‘rish mumkin. (Ha-ya, bir oycha avval Buxoroda 33 bosh tovushqonni ovlagan shaxslar 6 mln. so‘m jarimaga tortilgandi.
Yana bir masala - Ekologiya va atrof-muhitni muhofaza qilish davlat qo‘mitasi saytida O‘zbekiston Qizil kitobini topolmadim. Vaxolanki, 2016 yildayoq Qizil kitobning elektron shakli rasmiy veb-saytida joylashtirilishi normativ hujjat bilan belgilangan ekan.
Gapning indallosi, mana shunaqa vaziyatlarda jim turish emas, aksincha odamlarni noto‘g‘ri tasavvurlarga berilishdan tiyadigan axborotlarni berish partiyaga ko‘proq naf keltiradi.
Fursatdan foydalanib qolmaysizmi, axir... “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi
