Axborot va ommaviy kommunikatsiyalar agentligida bo‘lib o‘tgan matbuot anjumanida Bosh prokuror o‘rinbosari S.Ortiqova Kun.uz muxbirining savoliga javoban tergov jarayonida qiynoqqa solish bilan bog‘liq holatlarga munosabat bildirdi.
«Men ham tergovchi bo‘lganman. Tergov qilganman. Tergovchi bo‘ladimi, prokuror bo‘ladimi yoki jazoni ijro etish muassasasi ma’muriyati bo‘ladimi yoxud surishtiruvchi bo‘ladimi — barchasi insonning tarbiyasiga bog‘liq. Qiynoqlarni yoki boshqa shafqatsiz usullarni qo‘llamasdan ham har qanday tergov harakatini qonun doirasida amalga oshirsa bo‘ladi. Men doim o‘zimga o‘zim savol beraman: nega o‘zbek o‘zbekni uradi, o‘zbek o‘zbekni qiynaydi? Hayotda kimdir jinoyat sodir etmaydi va qamoqqa tushmaydi, deb kim kafolat bera oladi?! Hech kim bunday kafolat berolmaydi. Bugun siz meni qiynoqqa solgan bo‘lsangiz, ertaga men sizni qiynashim mumkin. Qaytar dunyo degan narsalar bor», — dedi Svetlana Ortiqova.
Foto: Axborot va ommaviy kommunikatsiyalar agentligi
Bosh prokuror o‘rinbosari Prezident Shavkat Mirziyoyev Konstitutsiya kunidagi ma’ruzasida tergov jarayonida videokuzatuvning ahamiyati haqida to‘xtalib, surishtiruvchi, tergovchi va boshqa vakolatli shaxsning majburiyatlarini qonunlarda aniq belgilab qo‘yishni taklif etgani aytdi. Ortiqovaning aytishicha, tergov jarayonini videokuzatuv moslamalari bilan to‘liq ta’minlash juda katta mablag‘ni talab qilishi, buni birdaniga amalga oshirish byudjetga og‘irlik qilishi haqida gapirdi.
«Gumonlanuvchini ushlashdan tortib to koloniyaga borguncha har bitta tergovchining kabinetida videokameralar o‘rnatilguncha profilaktika inspektorining xonasiga o‘rnatilsa-chi? Bitta monitorda katta qilib qadam-baqadam ko‘rsatilganda zo‘r bo‘lardi», — deydi Svetlana Ortiqova.
Foto: Axborot va ommaviy kommunikatsiyalar agentligi
Tadbirda insonni qadrlash, hurmat qilish hissini yuridik universitetdan, undan ham avval bog‘chadan shakllantirib borish kerakligi, shundagina samara bo‘lishi haqida so‘z bordi.
«Tergov jarayonida qiynoqni ishlatganlar tarjimai holi o‘rganilsa, albatta, oilasida urush-janjal, ota-onasi, aka-ukalari urishgan, bolalikda it-mushuklarni qiynagan bola bo‘lib chiqadi. Keyin u forma kiygach, mansab berilgach, unda menga hamma narsa mumkin, degan fikr paydo bo‘ladi. Tergov jarayonida qiynoqqa solish holatlari bilan prokuratura organlari qat’iy kurash olib borayapti. Buni batamom yo‘q qilamiz desak, bu — afsona, utopiya. Lekin siz bilan biz shuni kamaytira bilishimiz kerak.
Mengacha bo‘lgan, mendan keyingi pogonli odamlarni endi qayta tarbiyalab bo‘lmaydi. Juda qiyin. Faqat jazolash, tozalash, tizimdan chiqarish bilan cheklanish mumkin.
Lekin farzandlarimizni, bo‘lajak prokurorlarni, tergovchilarni bog‘chadan boshlab tarbiyalasak, 20-25 yildan keyin xudo xohlasa hech qiynoqni ishlatmaydigan kadrlar yetishib chiqadi», — deya ta’kidladi Svetlana Ortiqova. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi