Ахборот ва оммавий коммуникациялар агентлигида бўлиб ўтган матбуот анжуманида Бош прокурор ўринбосари С.Ортиқова Kun.uz мухбирининг саволига жавобан тергов жараёнида қийноққа солиш билан боғлиқ ҳолатларга муносабат билдирди.
«Мен ҳам терговчи бўлганман. Тергов қилганман. Терговчи бўладими, прокурор бўладими ёки жазони ижро этиш муассасаси маъмурияти бўладими ёхуд суриштирувчи бўладими — барчаси инсоннинг тарбиясига боғлиқ. Қийноқларни ёки бошқа шафқатсиз усулларни қўлламасдан ҳам ҳар қандай тергов ҳаракатини қонун доирасида амалга оширса бўлади. Мен доим ўзимга ўзим савол бераман: нега ўзбек ўзбекни уради, ўзбек ўзбекни қийнайди? Ҳаётда кимдир жиноят содир этмайди ва қамоққа тушмайди, деб ким кафолат бера олади?! Ҳеч ким бундай кафолат беролмайди. Бугун сиз мени қийноққа солган бўлсангиз, эртага мен сизни қийнашим мумкин. Қайтар дунё деган нарсалар бор», — деди Светлана Ортиқова.
Фото: Ахборот ва оммавий коммуникациялар агентлиги
Бош прокурор ўринбосари Президент Шавкат Мирзиёев Конституция кунидаги маърузасида тергов жараёнида видеокузатувнинг аҳамияти ҳақида тўхталиб, суриштирувчи, терговчи ва бошқа ваколатли шахснинг мажбуриятларини қонунларда аниқ белгилаб қўйишни таклиф этгани айтди. Ортиқованинг айтишича, тергов жараёнини видеокузатув мосламалари билан тўлиқ таъминлаш жуда катта маблағни талаб қилиши, буни бирданига амалга ошириш бюджетга оғирлик қилиши ҳақида гапирди.
«Гумонланувчини ушлашдан тортиб то колонияга боргунча ҳар битта терговчининг кабинетида видеокамералар ўрнатилгунча профилактика инспекторининг хонасига ўрнатилса-чи? Битта мониторда катта қилиб қадам-бақадам кўрсатилганда зўр бўларди», — дейди Светлана Ортиқова.
Фото: Ахборот ва оммавий коммуникациялар агентлиги
Тадбирда инсонни қадрлаш, ҳурмат қилиш ҳиссини юридик университетдан, ундан ҳам аввал боғчадан шакллантириб бориш кераклиги, шундагина самара бўлиши ҳақида сўз борди.
«Тергов жараёнида қийноқни ишлатганлар таржимаи ҳоли ўрганилса, албатта, оиласида уруш-жанжал, ота-онаси, ака-укалари уришган, болаликда ит-мушукларни қийнаган бола бўлиб чиқади. Кейин у форма кийгач, мансаб берилгач, унда менга ҳамма нарса мумкин, деган фикр пайдо бўлади. Тергов жараёнида қийноққа солиш ҳолатлари билан прокуратура органлари қатъий кураш олиб бораяпти. Буни батамом йўқ қиламиз десак, бу — афсона, утопия. Лекин сиз билан биз шуни камайтира билишимиз керак.
Менгача бўлган, мендан кейинги погонли одамларни энди қайта тарбиялаб бўлмайди. Жуда қийин. Фақат жазолаш, тозалаш, тизимдан чиқариш билан чекланиш мумкин.
Лекин фарзандларимизни, бўлажак прокурорларни, терговчиларни боғчадан бошлаб тарбияласак, 20-25 йилдан кейин худо хоҳласа ҳеч қийноқни ишлатмайдиган кадрлар етишиб чиқади», — дея таъкидлади Светлана Ортиқова. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Зоҳида Умарова нима сабабдан ўғли ва келини билан бирга яшамаслигини айтди
Футзал. Осиё Кубоги. Тожикистон Японияни гуруҳда қолдирди
