4 738
Deputat: "Zo‘ravon mas’ullar, xalqni qiynab medal olgandan ko‘ra ularning ishonchini qozoning"
Oliy Majlis Qonunchilik palatasi deputati Rasul Kusherbayev yana "snos" masalasi bo‘yicha xavotirlarini izhor qildi:
"Oxirgi vaqtlarda bo‘layotgan ishlarni ko‘rib, odamlarni norozi qilgan "snos" epidemiyasining ikkinchi to‘lqini boshlanganligiga guvoh bo‘layapman.
Afsuski bu safar yillab fuqarolarning peshona teri bilan pul topib, qurgan uylarini buzdirish "aksiyasi"da faqat hokimlar emas, ular bilan birga aslida va idealda fuqarolarning huquqlarini himoya qilishga mas’ul va vakolatli idoralar vakillari ham turib, fuqarolarga qarshi zo‘ravonlik olib borayotgani odamni juda xafa qiladi. Himoya qiladiganlarning o‘zidan himoya kerak bo‘lsa, dodingni kimga aytasan.
Ayniqsa, Toshkent va Surxondaryo viloyatlaridan kelayotgan murojaatlar o‘tgan yilgi xunuk va Prezidentni xafa qilgan voqealarning qayta boshlanishiga sabab bo‘ladi, degan xavotir paydo qilmoqda. Rasmiy davlat OAV, xususan "O‘zbekiston 24" kanali esa masalaning tubiga yetmay, vaziyatni xolis o‘rganmay turib, bir tomonlama fuqarolarni aybdor qilib ko‘rsatmoqda. Go‘yoki prokuratura va hokimliklar haq-u, fuqarolar nohaq deganday. Umid qilamanki bu buyurtma emas. Tag‘in kim biladi...
Aslida bunday uylarning qurilishiga o‘z vaqtida mas’ullar ruxsat bermasa, davlat yeridan o‘zboshimcha uy-joyni qurib olishga kimning jur’ati yetadi. Bizni fuqarolar qonunlardan qo‘rqadi, davlat bilan o‘ynashmaydi.
Ko‘rinib turganidek, bu yana mas’ullarning navbatdagi "ochko" olish bahsi, kimlardir orden va medal olgisi kelgani aniq. Bu ularga ham, noxolis OAV uchun ham uyat.
Ayrim zo‘ravon mas’ullarning uquvsiz, bilimsiz va qonunlardan bexabarligini inobatga olib, ularga Oliy Majlis qabul qilgan va Prezident qo‘l qo‘yib amalda bo‘lgan "Ma’muriy tartib-taomillar to‘g‘risida"gi qonunni o‘qishlarini tavsiya qilgan bo‘lar edim. Zora hech bo‘lmasa shu qonunni hurmat qilib, fuqarolar bilan munosabat qilishga o‘tilsa.
So‘nggida zo‘ravon mas’ullarga odamlarni qiynab medal olgisi kelmasdan agar adolatli bo‘lishsa xalq medaldan ham ortig‘ini berishi, bu oliy ne’mat ishonch va hurmat ekanligini eslatmoqchiman. O‘ylab ko‘ring vakolatli "zo‘ravonlar"!
Gap egasini topadi..." “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi