Foto: AFP
Xitoyda ishlar qayta tiklangani sababli internet orqali tovar buyurtma qilinsa, O‘zbekistonga kiritiladimi, bojxonadan o‘tkaziladimi?
Ushbu savol yuzasidan Davlat bojxona qo‘mitasi boshqarma boshlig‘i Farhod Olimjonov ishtirokidagi brifingda ma’lumot berildi.
Unga ko‘ra, faqatgina “O‘zbekiston pochtasi” AJ orqali Xitoydan jo‘natmalarni qabul qilish mumkin.
“Jahon miqyosida tarqalish geografiyasi tobora kengayib borayotgan koronavirus infeksiyasini respublikamizga kirib kelishi va tarqalishining oldini olish maqsadida joriy yilning 1 fevral kunidan boshlab Xitoy Xalq Respublikasidan kirib keluvchi barcha turdagi pochta va kur’erlik jo‘natmalarini qabul qilish vaqtincha to‘xtatilgan edi.
Biroq 2020 yil 27 fevraldan boshlab Xitoy Xalq Respublikasidan faqatgina “O‘zbekiston pochtasi” AJ orqali kirib kelayotgan jo‘natmalarni qabul qilishga ruxsat etilgan”, deya Farhod Olimjonovning so‘zlarini keltirmoqda Kun.uz muxbiri.
Brifing davomida qo‘mita vakili xorijdan olib kelishda bojxona to‘lovi bo‘yicha imtiyozga ega bo‘lgan tovarlarning ayrimlarini sanab o‘tdi.
Xususan, ozuqabop ekinlar yetishtiruvchilar, shuningdek tomchilatib va yomg‘irlatib sug‘orish tizimlari va ularning butlovchi qismlarini ishlab chiqaruvchilar tomonidan olib kiriladigan, tomchilatib va yomg‘irlatib sug‘orish texnologiyasini joriy etish uchun zarur bo‘lgan butlovchi qismlar va xom ashyolar bojxona to‘lovlarini to‘lashdan (qo‘shilgan qiymat solig‘i va bojxona rasmiylashtiruvi uchun yig‘imlardan tashqari) ozod etilgan.
Ishlab chiqarilganiga 4 yildan oshmagan, yuk tashish uchun mo‘ljallangan transport vositalari (samosvallardan tashqari) bojxona to‘lovlariga (qo‘shilgan qiymat solig‘i va bojxona rasmiylashtiruvi yig‘imlaridan tashqari) tortilmaydi.
Texnologik asbob-uskunalarga nisbatan qo‘shilgan qiymat solig‘i va bojxona bojidan imtiyozlar nazarda tutilgan.
Urug‘lar, ko‘chatlar va payvandtaglar, mineral o‘g‘itlar, o‘simliklarni kimyoviy himoyalash vositalari bojxona to‘lovlaridan (bojxona rasmiylashtiruvi uchun yig‘im bundan mustasno) ozod etilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
