Foto: Pixabay
Din ishlari bo‘yicha qo‘mita Saudiya Arabistonining Haj va Umra ziyoratlarini xorijliklar uchun bekor qilishi yuzasidan rasmiy bayonotni e’lon qildi.
Unga ko‘ra 2020 yil 23 iyun kuni Haj va Umra tadbirlarini tashkil etish va o‘tkazish masalalari bo‘yicha jamoatchilik kengashi Saudiya Podshohligi tomonidan Haj–2020 mavsumi bo‘yicha qabul qilingan qaror muhokamasiga bag‘ishlangan yig‘ilish o‘tkazilgan.
Qo‘mitaning qayd etishicha, 2020 yilning 27 fevralidan koronavirus pandemiyasi sabab Saudiya Arabistoniga kirish taqiqlab qo‘yilgan va 14 mart kuni Tashqi ishlar vazirligi orqali Saudiya Arabistoni podshohligi Haj va Umra vazirining Haj–2020 mavsumining tashkiliy ishlarini kechiktirib turish to‘g‘risidagi rasmiy xati olingan.
Shuningdek, axborotda Saudiya Arabistonida keskin epidemiologik vaziyat saqlanib qolayotgani, har kuni o‘rtacha 4000 ga yaqin kasallanish, 35-40 ta o‘lim holati kuzatilayotgani qayd etilgan.
«Saudiya Arabistoni qiroli – Ikki Muqaddas Haram xizmatchisi qirol Salmon ibn Abdulaziz inson salomatligi uchun shunday murakkab vaziyatni inobatga olib, Haj–2020 mavsumi uchun chet eldan ziyoratchilarni qabul qilmaslik haqidagi taklifni qo‘llab-quvvatladi hamda 2020 yilning 22 iyun kuni mamlakat ichida bo‘lib turgan cheklangan miqdordagi ziyoratchilar uchun ichki Haj mavsumini tashkil etish bo‘yicha barcha tegishli choralarni ko‘rish to‘g‘risida qarorni qabul qildi.
Saudiya hukumatining ushbu qarori Saudiya ulamolari kengashi, Islom hamkorlik tashkiloti, Islom olami uyushmasi, Misrdagi Al-Azhar majmuasi hamda «Dorul ifto» fatvo hay’ati va boshqa ko‘plab ilmiy markazlar tomonidan ma’qullandi.
Yuqoridagilarga asoslangan holda O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi, Haj va Umra tadbirlarini tashkil etish va o‘tkazish masalalari bo‘yicha jamoatchilik kengashi Saudiya Arabistoni qiroli Salmon ibn Abdulazizning hojilar manfaatlari, ularning hayoti va sog‘lig‘ini himoya qilishni ta’minlash nuqtai nazaridan qabul qilgan ushbu qarorini qo‘llab-quvvatlaydi», – deyilgan bayonotda.
Diniy qo‘mita 2020 yilgi Hajga borishni rejalashtirgan fuqarolarning navbati to‘liq saqlangan holda keyingi yilga o‘tkazilishini eslatib o‘tgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ruslar Abrams tanklarining zaif tomonini topishdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Zoir Mirzayev “Telefonsiz maktab”ga 300 mln so‘m mukofot berdi
