15:30 / 27.10.2020
853

Jalaquduqda ota aliment pullari o‘rniga uy sovg‘a qildi

Jalaquduqda ota aliment pullari o‘rniga uy sovg‘a qildi
Fuqarolik ishlari bo‘yicha Xo‘jaobod tumanlararo sudining 11.08.2020 yildagi ijro hujjatiga asosan Jalaquduq tumanida yashovchi qarzdor X.Boltaboyevdan undiruvchi B.Mamasoliyeva foydasiga ikki nafar voyaga yetmagan farzandlarining moddiy ta’minoti uchun aliment undirish belgilangan.

Majburiy ijro byurosi Jalaquduq tuman bo‘limi tomonidan mazkur ijro hujjati bo‘yicha qarzdor X.Tursunovdan aliment to‘lovlari o‘z vaqtida undirib kelingan.

X.Boltaboyevning aliment to‘lovlaridan qarzi mavjud bo‘lmasa-da, undiruvchi B.Mamasoliyeva bilan kelishgan holda ikki nafar farzandlarining kelajagi uchun ular voyaga yetgunga qadar to‘lanadigan aliment pullari o‘rniga Jalaquduq tumani, Oyim qishlog‘ida joylashgan namunaviy xonadonini undiruvchiga topshirishini ma’lum qildi.

Shu tariqa, sobiq turmush o‘rtoqlar o‘rtasida kelishuv bitimi imzolanib, ijro hujjati bo‘yicha ish yurituvi tamomlandi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)