10:25 / 04.02.2021
587

Buvaydada ota farzandlarining voyaga yetguniga qadar 5500 AQSH dollari va 3 million so‘m aliment pulini to‘ladi

Buvaydada ota farzandlarining voyaga yetguniga qadar 5500 AQSH dollari va 3 million so‘m aliment pulini to‘ladi
Majburiy ijro byurosi Buvayda tuman bo‘limi ish yurituvida fuqarolik ishlari bo‘yicha Qo‘qon tumanlararo sudining 18.08.2017 yildagi hal qiluv qaroriga asosan qarzdor I.Toshqo‘ziyevdan undiruvchi S.Toshqo‘ziyeva foydasiga ikki nafar voyaga yetmagan farzandlarining moddiy ta’minoti uchun ish haqi va boshqa daromadlarining 1/3 qismi miqdorida aliment undirish haqidagi ijro hujjati mavjud.

Majburiy ijro harakatlari davomida qarzdor I.Toshqo‘ziyevdan aliment pullari muntazam ravishda o‘z vaqtida to‘liq undirib kelingan hamda undiruvchi S.Toshqo‘ziyevaga topshirilgan.

Joriy yilning yanvar oyi uchun aliment to‘lovini to‘lash uchun Byuroning Buvayda tuman bo‘limiga kelgan qarzdor I.Toshqo‘ziyevga O‘zbekiston Respublikasi Vazirlar Mahkamasining 06.10.2018 yildagi “Alimentlarni oldindan to‘lash, shuningdek, aliment to‘lash majburiyatini ta’minlash bo‘yicha garov shartnomasini tuzish tartibi to‘g‘risidagi Nizomni tasdiqlash haqida”gi 808-sonli qarori mazmun-mohiyati tushuntirilganida ota o‘z farzandlari uchun ular voyaga yetgunlariga qadar bo‘lgan aliment to‘lovlarini to‘liq to‘lab berishini ma’lum qilgan.

Shunga ko‘ra, joriy yilning 1 fevral kuni undiruvchi S.Toshqo‘ziyevaning roziligi asosida qarzdor ota 5500 AQSH dollari va 3 mln. 250 ming so‘m ikki nafar farzandi voyaga yetguniga qadar hisoblangan jami 61 mln. so‘m aliment pullarini xolislar ishtirokida to‘liq to‘lab bergan.

Bu borada yuritilgan aliment undirish bilan bog‘liq ijro ishi bo‘yicha majburiy ijro harakatlari to‘xtatilib, undiruvchining arizasiga asosan ijro hujjati unga qaytarilgan.

Majburiy ijro byurosi
Farg‘ona viloyat boshqarmasi
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)