Maqom Oʻzbekiston brendi sifatida dunyoga tanilmoqda. Oʻzbekiston Matbuot va axborot agentligi shu haqida xabar berdi.
Shahrisabz shahrida Prezident Shavkat Mirziyoyev tashabbusi bilan 6-10 sentyabr kunlari I Xalqaro maqom forumi oʻtkazilmoqda. Shu maqsadda sohibqiron Amir Temurning mahobatli haykali oʻrnatilgan Oqsaroy maydoni hududida har bir viloyatning oʻziga xos milliy urf-odat va anʼnalari, tarixiy obidalarini aks ettiruvchi namunalar oʻrnatilgan. Bu yerda turli sahna koʻrinishlari, milliy kuy-qoʻshiqlar, yallayu laparlar ijro etilmoqda.
Xalqaro maqom sanʼati anjumanida 75 davlatdan 300 dan ortiq sanʼatkorlar ishtirok etish istagini bildirgan. Mahalliy elektron va bosma OAV vakillaridan tashqari koʻplab chet el ommaviy axborot vositalari xodimlari mazkur anjumanni yoritish uchun roʻyxatdan oʻtgan.
Ayni paytda I Xalqaro maqom forumi ishini ommaviy axborot vositalarida yoritish uchun maxsus tashkil etilgan Matbuot markazi mahalliy va xalqaro jurnalistlar bilan gavjum. U yerda “Rossiya 1” telekanali, Turkiyaning TRT telekompaniyasi ijodkorlari hamda 20 dan ortiq mahalliy OAV vakillari ish olib bormoqda.
Foto: Oʻzbekiston Matbuot va axborot agentligi
“Anjumanni yuksak saviyada oʻtkazish uchun puxta tayyorgarlik koʻrilgan, – deydi “Rossiya 24” telekanali jurnalisti Robert Fransev. – Oqsaroy hududida mamlakat viloyat va shaharlarining diqqatga sazovar joylari, tarixiy obidalari, milliy urf-odat va anʼanalari namunalari tashkil etilgani tadbirga oʻziga xos mazmun bagʻishlamoqda. Bu menda katta taassurot qoldirdi. Maqom sanʼati Oʻzbekistonning milliy brendi sifatida dunyoga tanilishi, shubhasiz”.
Taʼkidlash joizki, jurnalistlarga maʼlumot olishda qulaylik yaratish maqsadida Anjumanning rasmiy www.maqomforum.uz sayti ishga tushirilgan. Ushbu saytdan tadbir haqida nafaqat eng soʻnggi yangilik va maʼlumotlarni, balki foto va videomateriallarni ham olish mumkin. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
