O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati olimlari O‘zbekiston prezidenti Shavkat Mirziyoyevga murojaat yo‘llashdi. Murojaatni yo‘llash tashabbusi “O‘zbekiston madaniy merosi – yangi Renessans poydevori” mavzusidagi IV xalqaro kongressda onlayn ishtirok etgan yaponiyalik olimlar tomonidan ilgari surildi.
Kun.uz nashri xabariga ko‘ra, Yaponiyadagi O‘zbekiston elchixonasi binosida yig‘ilgan 20 nafar olim murojaat loyihasini tayyorlagan va loyiha jamiyat boshqaruvi, ilmiy kengashi a’zolari tomonidan qo‘llab-quvvatlangan.
Murojaatda butunjahon jamiyat a’zolari mamlakat kutubxonalari va ta’lim muassasalariga "O‘zbekiston madaniy merosi jahon to‘plamlarida" turkumidan 10 ming nusxadagi 35 tomlik kitob-albomlarni topshirish tashabbusini amalga oshirishda ko‘mak berganligi uchun davlat rahbariga minnatdorlik bildiradi.
"O‘zbekiston madaniy merosi jahon to‘plamlarida" turkumidagi rasmli kitob-albomlarni chop etish hamda ularni mamlakat kutubxonalari va o‘quv muassasalariga topshirish taklifi III xalqaro kongress doirasida ilgari surilgan va davlat rahbari tomonidan qo‘llab-quvvatlangan edi. Ularning dastlabki 15 jildi respublikadagi ta’lim muassasalariga yetkazilgan. Hozirda loyihaning ikkinchi bosqichi davom etmoqda.
Murojaatda qayd etilishicha, "O‘zbekiston madaniy merosi – yangi Renessans poydevori" mavzusidagi IV xalqaro kongressda 2021-2025 yillarga mo‘ljallangan yo‘l xaritasi qabul qilingan. Unga ko‘ra, keyingi besh yil ichida O‘zbekiston madaniy merosini saqlash, o‘rganish va ommalashtirish bo‘yicha butunjahon jamiyati 100dan ortiq yangi loyiha amalga oshirishni rejalashtirmoqda. O‘zbekiston madaniyatiga oid 114ta tarixiy Qur’on qo‘lyozmalarini jamlagan risolani yaratish loyihasi ham shu jumladandir.
“Biz mamlakatda va xorijdagi muzeylarda saqlanayotgan O‘zbekistonning madaniy merosi haqida hikoya qiluvchi kitob va albomlar nashr etish, hujjatli, badiiy filmlar tayyorlash, ilmiy forumlar o‘tkazish, o‘quv dasturlari yaratish, mamlakat madaniy merosini tiklash sohasidagi mutaxassislar ishlarini, qonunchilikni takomillashtirish, turizmni rivojlantirishga qaratilgan tashabbuslarni tadqiq qilishni davom ettirish niyatidamiz”, deyiladi murojaatda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
