O'zbekiston Prezidenti Shavkat Mirziyoyev noyob (orfan) va irsiy kasalliklarga chalingan bolalarni ijtimoiy va tibbiy qo'llab-quvvatlash dasturi to'g'risida qaror imzoladi. Ushbu dastur 2026-2030 yillar uchun mo'ljallangan.
Davlat hisobidan davolanishi mumkin bo'lgan bunday kasalliklar soni beshtadan o'ntaga oshiriladi. Shuningdek, respublikada bolalarni dori-darmonlar bilan ta'minlash darajasi 95 foizdan 99 foizga ko'tariladi.
Kelasi yil boshidan boshlab noyob kasalliklarga chalingan 18-21 yoshdagi fuqarolar ham bepul tibbiy kuzatuv olish imkoniyatiga ega bo'ladi. Orfan kasalliklar juda kam uchraydigan va ko'pincha irsiy bo'lib, murakkab va qimmat davolashni talab qiladigan kasalliklardir.
Bunday kasalliklarga, masalan, mukovissidoz, gemofiliya, Goshe kasalligi, fenilketonuriya va orqa miya mushak atrofiyasi kiradi.
