Ўзбекистон Президенти Шавкат Мирзиёев нойоб (орфан) ва ирсий касалликларга чалинган болаларни ижтимоий ва тиббий қўллаб-қувватлаш дастури тўғрисида қарор имзолади. Ушбу дастур 2026-2030 йиллар учун мўлжалланган.
Давлат ҳисобига даволаниши мумкин бўлган бундай касалликлар сони бештадан ўнтага оширилади. Шунингдек, республикада болаларни дори-дармонлар билан таъминлаш даражаси 95 фоиздан 99 фоизга кўтарилади.
Келаси йил бошидан бошлаб нойоб касалликларга чалинган 18-21 ёшдаги фуқаролар ҳам бепул тиббий кузатув олиш имкониятига эга бўлади. Орфан касалликлар жуда кам учрайдиган ва кўпинча ирсий бўлиб, мураккаб ва қиммат даволашни талаб қиладиган касалликлардир.
Бундай касалликларга, масалан, муковиссидоз, гемофилия, Гоше касаллиги, фенилкетонурия ва орқа мия мушак атрофияси киради.
