[img]https://zamin.uz/uploads/posts/2025-06/2c4973dc42_photo_2025-03-03_12-58-45.webp[/img] "Manchester Siti" jamoasining tajribali yarim himoyachisi Bernardu Silva muxlislar kutgan savolga nuqta qo‘ydi — u yangi mavsumda ham klub sharafini himoya q

"Manchester Siti" jamoasining tajribali yarim himoyachisi Bernardu Silva muxlislar kutgan savolga nuqta qo‘ydi — u yangi mavsumda ham klub sharafini himoya qilishda davom etadi. Portugaliyalik futbolchi bu haqda sport jurnalisti Ben Jeykobsga bergan intervyusida ochiq bayonot berdi.

"Men yangi mavsumda aniq "Siti"da qolaman. Ilgarigidek bu safar ham turli variantlar bor edi, lekin men o‘z tanlovimni qildim. "Manchester Siti" — bu men uchun ikkinchi uyga aylangan jamoa", — dedi Silva.

Bernardu Silva 2017 yildan buyon "Siti" safida to‘p surmoqda va ushbu davr mobaynida klubning asosiy figuralaridan biriga aylandi. Joriy mavsumda u 49 ta rasmiy uchrashuvda qatnashib, 5 ta gol va 4 ta assist bilan jamoasiga hissa qo‘shdi. Uning mehnatsevarligi va o‘yindagi intellektual yondashuvi Gvardiola taktikasida muhim o‘rin tutadi.

Mavsum yakunlangandan so‘ng Bernarduga ayrim Saudiya Arabistoni klublari tomonidan jozibador moliyaviy takliflar kelib tushgani haqida xabarlar tarqalgan edi. Ayniqsa, unga oyiga katta maosh taklif etilgani ta’kidlangan. Biroq, Silva professional darajadagi chaqiriq va yuqori saviyadagi futbol muhitida qolishni ma’qul ko‘rdi.

Uning "Manchester Siti" bilan amaldagi shartnomasi 2026 yil yozigacha amal qiladi. Demak, agar holat o‘zgarmasa, Bernardu yana kamida ikki mavsum klubda qolishi mumkin.

Bernardu Silvaning qolish qarori nafaqat Gvardiola va jamoa, balki butun muxlislar armiyasi uchun quvonchli yangilik bo‘ldi. Chunki u nafaqat to‘p bilan ishlash mahoratga, balki tajriba va liderlik xislatlariga ham ega bo‘lgan futbolchi hisoblanadi. “Zamin”ni Telegramʻda oʻqing!