O‘zbekiston prezidenti Shavkat Mirziyoyev va Boeing Global kompaniyasi prezidenti Brendan Nelson Nyu-York shahrida uchrashuv o‘tkazib, ikki davlatning strategik hamkorligiga yangi qadam qo‘ydi. Bu voqea dunyodagi eng yirik aviatsiya va kosmik texnika ishlab chiqaruvchi kompaniyalardan biri bo‘lgan Boeing bilan O‘zbekistonning o‘zaro hamkorligini yanada mustahkamlaydi.
Boeing kompaniyasining O‘zbeksiton bilan keyingi yillardagi hamkorligi ko‘p yillik tarixga ega. Hozirda O‘zbekiston ushbu kompaniyaning muhim va strategik hamkori hisoblanadi. Prezident Mirziyoyev ushbu hamkorlikning samaradorligini va to‘g‘ri yo‘nalishda davom ettirilishini alohida ta’kidladi. Mavjud shartnoma asosida, O‘zbekistonning aviakompaniyasi "Uzbekistan Airways" va Boeing o‘rtasida yangi samolyotlarni yetkazib berishga doir kelishuv imzolandi. Ushbu bitimning aniq maqsadi - mamlakatning havo transporti tizimini yaxshilash va zamonaviy aviatexnika bilan ta’minlash.
Shunga asosan, yangi shartnoma doirasida Uzbekistan Airways 8 milliard dollarlik ulkan investitsiya mablag‘lari evaziga Boeing kompaniyasidan 22 ta 787 Dreamliner samolyotini xarid qilishni ma’qulladi. Bu muhim kelishuv O‘zbekiston uchun katta iqtisodiy ahamiyatga ega, chunki u nafaqat mamlakatning transport sohasini rivojlantirishga yordam beradi, balki Qo‘shma Shtatlarda 35 000 dan ortiq ish o‘rinlarini yaratadi.
Mirziyoyevning tashrifi davomida AQSH prezidenti Donald Tramp ham ushbu bitimni yuqori baholadi va o‘z sahifasida "Shu oy boshida men O‘zbekiston prezidenti hurmatli Shavkat Mirziyoyev bilan suhbatlashgan edim. Bugun men prezident Mirziyoyevni Boeing bilan ulkan bitim imzolangani bilan tabriklayman! Uzbekistan Airways 8 milliard dollardan ortiq mablag‘ evaziga 22 ta 787 Dreamliner samolyotini xarid qiladi. Bu Qo‘shma Shtatlarda 35 000 dan ortiq ish o‘rinlarini yaratadi. Prezident Mirziyoyev - bir so‘zli inson va biz boshqa ko‘plab masalalar ustida birgalikda ishlashda davom etamiz! Bu masalaga e’tiboringiz uchun tashakkur", - deb yozdi. Tramp mazkur bitimning ikki davlat o‘rtasidagi strategik hamkorlikni yanada mustahkamlashda muhim rol o‘ynashini ta’kidladi.
Mirziyoyev va Trampning hamkorligiga e’tibor qaratilgan bu uchrashuv, O‘zbekistonning global iqtisodiy maydondagi o‘rnini yanada mustahkamlash va mamlakatning xalqaro hamkorlar bilan munosabatlarini yanada kuchaytirishga xizmat qiladi. Shuningdek, O‘zbekistonning aviatsiya sohasidagi rivojlanish bo‘yicha yana bir muhim qadam tashlandi.
“Zamin”ni Telegramʻda oʻqing!
