«Manchester Siti» bosh murabbiyi Pep Gvardiola Angliya Premer-ligasining 3-turida «Brayton»ga qarshi kechgan o‘yindan keyin jamoaning mag‘lubiyati haqida o‘z fikrlarini bildirib o‘tdi.
Mutaxassisga ko‘ra, ikkinchi gol aynan raqibning tezkor hujumchilari sabab kiritildi:
— Biz ikkinchi to‘pni raqib futbolchilarning juda chaqqon harakatlari orqali o‘tkazib yubordik. Ular haddan tashqari tezlik bilan oldinga chiqishdi.
Gvardiola shuningdek, himoyachi Abduqodir Husanov haqida alohida to‘xtalib o‘tdi:
— Balki Husanov o‘sha vaziyatni qaytargan bo‘lardi. Chunki u juda tezkor va epchil futbolchi. Lekin afsuski, u mushaklaridan jarohat oldi va bahsni davom ettira olmadi. Menimcha, unda jiddiy muammo yo‘q, barchasi joyida bo‘ladi, — dedi ispaniyalik murabbiy.
Gvardiolaning ushbu fikrlari «shaharliklar» muxlislari orasida ham qizg‘in muhokamaga sabab bo‘ldi. Ko‘pchilikning aytishicha, Husanovning zaxiraga olinishi jamoa himoyasini ancha sustlashtirgan.
“Zamin”ni Telegramʻda oʻqing!
