"Sanderlend" hujumchisi Vilzon Izidor jamoasi Angliya Premer ligasining 9-turida "Chelsi" ustidan 2:1 hisobida g‘alaba qozonganidan so‘ng o‘z fikrlari bilan o‘rtoqlashdi. Uchrashuv 25-oktyabr kuni bo‘lib o‘tdi.
Izidor ushbu bahsda "Sanderlend" safida gol urishga muvaffaq bo‘ldi. Fransiyalik futbolchi bungacha "Zenit" va "Lokomotiv" klublarida ham to‘p surgan. Uning so‘zlariga ko‘ra, jamoa turnir jadvalida ikkinchi o‘ringa ko‘tarilgani quvonchli, biroq mavsum hali yakunlanmagan.
Futbolchi jamoasi oldinda uzoq yo‘l borligini ta’kidladi. U "Sanderlend" futbolchilari diqqatni yo‘qotmasdan, har bir uchrashuvga jiddiy tayyorgarlik ko‘rishi lozimligini aytdi.
Ayni paytda "Sanderlend" 17 ochko to‘plagan holda ikkinchi pog‘onada bormoqda. Klub mavsum davomida yuqori natijalarni saqlab qolishga harakat qilmoqda.
Izidor va uning jamoadoshlari keyingi uchrashuvlarda ham muvaffaqiyatni davom ettirish niyatida.
“Zamin”ni Telegramʻda oʻqing!
