Sunʼiy intellekt poygasi: boylar va kambagʻallar oʻrtasidagi jarlik
Techcrunch.com xabariga koʻra, sunʼiy intellekt sohasidagi jadal rivojlanish va shov-shuvlar texnologiya olamida boylar hamda kambagʻallar oʻrtasidagi jarlikni keskin kuchaytirib yubordi. Menlo Ventures hamkori Deedy Dasning taʼkidlashicha, OpenAI, Anthropic va NVIDIA kabi kompaniyalarda ishlovchi 10 mingga yaqin kishi 20 million dollardan ortiq boylikka ega boʻlib, nafaqaga chiqish darajasiga yetgan.
Sunʼiy intellekt sohasidagi hozirgi shov-shuvlar texnologiya olamida ham turlicha qabul qilinmoqda. Menlo Ventures hamkori Deedy Das ijtimoiy tarmoqlardagi chiqishida San-Fransiskodagi vaziyatni juda keskin deb baholadi va natijalar oʻrtasidagi tafovut hech qachon bunchalik katta boʻlmaganini taʼkidladi. Bu haqda Techcrunch.com xabar beradi.
Dasning hisob-kitoblariga koʻra, OpenAI, Anthropic va NVIDIA kabi kompaniyalarda ishlovchi taxminan 10 mingga yaqin kishi 20 million dollardan ortiq boylikka ega boʻlib, nafaqaga chiqish darajasiga yetgan. Shu bilan birga, yuqori maosh oladigan boshqa koʻplab mutaxassislar umrbod ishlasa ham bunday natijaga erisha olmasligidan xavotirda.
Sohadagi ommaviy qisqartirishlar va dasturchilarning oʻz koʻnikmalari eskirib qolayotganidan xavotiri ishga boʻlgan ishtiyoqni pasaytirmoqda. Koʻplab muhandislar kelajakdagi karyera yoʻnalishlari borasida sarosimaga tushib qolgan.
Ushbu qarashlar ijtimoiy tarmoqlarda qizgʻin bahslarga sabab boʻldi. Baʼzi tadbirkorlar bu holatni tanqid qilib, yuqori daromadli mutaxassislarni oʻzlarining imkoniyatlarini qadrlashga chaqirdi. Boshqalar esa texnologiyaning bir vaqtning oʻzida ham boylik manbai, ham kasbiy xavfga aylanganini "gʻalati va shafqatsiz" deb atadi.
Izohlar 0
…