ACL Two finalida Saudiya Arabistonining «Al-Nasr» klubi Yaponiyaning «Gamba Osaka» jamoasiga 0:1 hisobida mag‘lub bo‘ldi. Uchrashuvdagi yagona gol 29-daqiqada D. Xyummet tomonidan kiritildi.
O‘yin davomida «Al-Nasr» katta ustunlikka ega bo‘ldi. Saudiya klubi 67 foiz to‘p nazorati bilan harakat qildi va raqib darvozasiga 17 ta zarba yo‘lladi. Shulardan 6 tasi aniq bo‘ldi. «Gamba Osaka» esa bor-yo‘g‘i 3 ta zarba berib, 2 marta darvozaga aniq tepdi.
Shuningdek, «Al-Nasr» 9 ta burchak to‘pi ishladi, ammo jamoa o‘z imkoniyatlaridan foydalana olmadi. Yaponiya klubi esa intizomli himoya va qarshi hujumlar orqali minimal hisobni saqlab qoldi.
Shu tariqa, «Gamba Osaka» ACL Two musobaqasi g‘olibiga aylandi. «Al-Nasr» esa o‘yindagi katta ustunligiga qaramay, finalda mag‘lubiyatga uchradi.
