O‘zbekiston U-18 ayollar futbol jamoasi CAFA turniridagi ishtirokini durang natija bilan boshladi. Viktoriya Sirota boshchiligidagi jamoa Tojikiston vakilalari bilan 0:0 hisobiga bahs olib bordi.
Ushbu o‘yin O‘zbekistonning Mustaqil Futbol Markazi maydonida bo‘lib o‘tdi. Jamoa o‘yinga optimal tarkibda chiqdi, sardorlikni esa Dekanbayeva bajardi.
Uchrashuv tinch sur’atda boshlandi va o‘zbekistonlik futbolchilar o‘yin markazini nazorat qilishga intildi. Murabbiy Sirota qanot hujumlari bilan tezkor pressing o‘rtasida balansni saqlashga harakat qildi.
Asosiy tarkib: Xalkulova, Rahmatullayeva, Baxtiyorova, Kushatova, Hamidova, Yusupova, Mamateliyeva, Alikxonova, Abdulazizova, Akbarova, Dekanbayeva (sardor).
Zaxira o‘rindig‘ida: Nabiyeva, Daxova, Matqurbonova, Egamberdiyeva, Quldoshova, Abdusalimova, Amanbayeva, Xayrullayeva.
O‘zbekiston jamoasi o‘yinni faol boshladi va to‘pni nazorat qilishda ustunlikka ega bo‘ldi. Jamoa qanotlar orqali bosim o‘tkazishga harakat qildi, ammo Tojikistonning zich himoyasi sur’atni pasaytirib yubordi.
20-daqiqada Yusupova Mamateliyevadan uzatilgan to‘pni qabul qilib, darvozaga zarba yo‘lladi, biroq to‘p nishonga yetib bormadi. Tanaffusdan so‘ng o‘zbekistonlik futbolchilar pressingni kuchaytirdi.
Dekanbayeva chap qanot orqali bir necha hujumlarni boshladi, Abdulazizova esa uzoq masofadan zarbalar ijro etdi. Tojikiston esa qarshi hujumlar bilan javob qaytarmoqchi bo‘ldi, ammo Xalikulova darvozani ishonchli himoya qildi.
O‘yinning so‘ngida Sirota bir nechta taktik almashtirishlar amalga oshirdi va bu markaziy maydondagi o‘yinni kuchaytirdi. Biroq, ikkala jamoa ham hal qiluvchi imkoniyatlar yarata olmadi.
Yakunda hisob 0:0 bo‘lib qoldi va O‘zbekiston jamoasi turnirda ilk ochkosini qo‘lga kiritdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
