«Manchester Yunayted»ning sobiq himoyachisi va Fransiya terma jamoasi tarkibida o‘ynagan Patris Evra faoliyatining boshida «PSJ»ga o‘tishi mumkin bo‘lganini eslab berdi. Bu haqda euro-football.ru xabar beradi.
Evraga ko‘ra, u Parij klubida ko‘rikdan o‘tgan, ammo yakunda shartnoma taklif etilmagan. «Menga: “Sen juda yaxshisan, lekin bo‘ying past. Qolaversa, bo‘yingni hisobga olsak, kiyim almashtirish xonasida o‘g‘irlik qilishingni istamaymiz”, deyishgan», — deya Evradan iqtibos keltiradi Football Talk.
Evra faoliyati davomida «Marsala», «Monza», «Nitsa», «Monako», «Manchester Yunayted», «Yuventus», «Marsel» va «Vest Hem» klublari sharafini himoya qilgan. U jami 19 ta sovrinni qo‘lga kiritgan — ular orasida Angliyada besh, Italiyada ikki chempionlik hamda Chempionlar ligasi ham bor. Fransiya terma jamoasida esa Evra 81 o‘yin o‘tkazgan va gol yoki assist qayd etmagan.
“Zamin”ni Telegramʻda oʻqing!
