“Milan”ning sobiq futbolchisi Massimo Orlando Massimiliano Allegri qo'l ostidagi jamoa o'yinidan norozi ekanini bildirdi. Uning fikricha, hozirgi “rossonerilar”da aniq va barqaror o'yin rejasi ko'rinmayapti. Bu haqda euro-football.ru xabar beradi.
Orlandoning ta'kidlashicha, “Milan” maydonda ko'pincha tasodifiy harakat qiladi: hujumga o'tadi, darvozaga zarba beradi va ba'zan birinchi urinishdayoq gol urib ketadi. “Bunday omad doimiy bo'lib qolmaydi. Reja yo'qligi sabab jamoa bu mavsum kamida 7–8 ochkoni boy berdi, garchi hozircha turnir jadvalida yomon holatda emas. Allegri kabi murabbiyda doim “B” rejasi bo'lishi shart”, — deya Orlando so'zlarini pianetamilan.it keltirdi.
Hozirda “Milan” A Seriya turnir jadvalida ikkinchi pog'onani egallab turibdi.
“Zamin”ni Telegramʻda oʻqing!
