27-noyabr, 2025-yil. "AFC-2" musobaqasi guruh bosqichining navbatdagi uchrashuvida Tojikistonning "Istiklol" jamoasi Saudiya Arabistonining "Al-Nasr" klubiga 0:4 hisobida yutqazdi.
Mazkur o'yinda "Al-Nasr" yetakchisi Krishtianu Ronaldu ishtirok etmadi, chunki u qaydnomaga kiritilmagan edi. Shunga qaramay, mehmonlar uchrashuvni to'liq nazorat qilishdi va muhim imkoniyatlarni golga aylantirishni uddalashdi.
Uchrashuvning 12-daqiqasida Joau Feliks penalti tepib, hisobni ochdi. Keyinchalik Oko'oro qanotdan faol hujumlar uyushtirib, kombinatsiyalar uchun joy yaratdi.
Mezbonlar esa faqat vaqti-vaqti bilan qarshi hujum uyushtirishga urinishdi, ammo ularning aksiyalari ko'pincha raqib jarima maydonchasiga yetib bormadi. 40-daqiqada Simakan Al-Hassandan uzatilgan aniq pasni golga aylantirib, hisobni 0:2 ko'rinishiga olib keldi va shu natija bilan birinchi bo'lim yakunlandi.
Ikkinchi bo'limda mezbonlar murabbiylarining o'zgarishlari o'yinga ta'sir o'tkazishga harakat qildi. Dehqoniy va Komolafe maydonga tushirilgan bo'lsa-da, "Al-Nasr" o'yin sur'atini nazoratda ushlab, hujumlarni qanotlarga yo'naltirishda davom etdi.
Mehmonlar himoyasi raqibning markaz orqali hujum qilishga bo'lgan urinishlarini osongina to'xtatdi. 84-daqiqada Sadio Mane Feliksning uzatmasidan unumli foydalandi va hisobni 0:3 ko'rinishiga olib keldi.
Yakuniy zarbani esa 90+2-daqiqada Al-Ganam berdi va hisobni 0:4 ko'rinishida belgiladi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
