Angliya Premer-ligasining 12-tur uchrashuvida "Manchester Siti" o‘z maydonida "Lids"ni 3:2 hisobida mag‘lub etdi. G‘alaba golini 90-daqiqada Fil Foden kiritdi. O‘zbekistonlik himoyachi Abduqodir Husonov esa ushbu o‘yinda zaxirada qoldi.
Mezbonlar o‘yinni faol boshladi. Uchinchi daqiqada Nunesning uzatmasidan so‘ng Foden aniq zarba yo‘llab hisobni ochdi.
"Siti" hujumlarini davom ettirgan holda, Silvaning uzatmasidan keyin darvozabon Perrining xatosidan foydalangan Gvardiol ikkinchi golni kiritdi. "Lids" esa qarshi hujum imkoniyatlarini izlashni boshladi.
Birinchi bo‘lim oxiriga kelib, mehmonlar raqibni yuqoriroqda qarshi ola boshlashdi va o‘yinda muvozanatni tiklashga harakat qilishdi. Ikkinchi bo‘limda mehmonlar hujumdagi o‘yinchilarni almashtirib, bosimni oshirdi.
Kalvert-Luin raqib himoyasining xatosidan foydalanib, uzoq burchakka zarba yo‘llab hisobni qisqartirdi. Shundan so‘ng "Lids" qanotlardan hujum qilishni kuchaytirdi va jarima maydonida kurashni davom ettirdi.
Gvardiol o‘yinning bir vaziyatida Kalvert-Luinni yiqitib qo‘ydi. VAR tekshiruvidan so‘ng penalti belgilandi.
Donnarumma birinchi zarbani qaytargan bo‘lsa-da, Nemcha to‘pni bo‘sh darvozaga joylab, hisobni tenglashtirdi. Mezbonlar katta kuch bilan hujumga o‘tdi.
Dok-u qanotdan bir necha bor xavfli vaziyatlar yaratdi, Silva va Xoland esa bosimni kuchaytirdi. Yakunda hal qiluvchi vaziyat 90-daqiqada yuz berdi.
Tezkor hujum davomida Foden jarima maydonida to‘pni qabul qilib, aniq zarba yo‘naltirdi va 3:2 hisobini o‘rnatdi. VAR g‘alaba golini tasdiqladi.
Abduqodir Husanov esa ushbu uchrashuvda maydonga tushmadi va butun o‘yin davomida mehmonlar zaxirasida qoldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
