Krishtianu Ronaldu bosh murabbiy bilan kelishuvga ko'ra OFK Chempionlar ligasi 2 guruh bosqichi uchrashuvlarida maydonga tushmayapti. Bu turnir Osiyodagi klublar musobaqalari ichida darajasi bo'yicha ikkinchi hisoblanadi. Bu haqda euro-football.ru xabar beradi.
Shunga qaramay, Al-Nasr yetakchisisiz ham barqaror o'yin ko'rsatmoqda. Saudiya jamoasi chorshanba kuni guruhdagi beshinchi uchrashuvini ham yutdi — Tojikistonda Istiklol 4:0 hisobida yirik mag'lub etildi.
O'yindan so'ng Ronaldu ijtimoiy tarmoqlarda Al-Nasr guruhni birinchi o'rinda yakunlab, keyingi bosqichga chiqqani haqidagi xabarni repost qildi. Krishtianu postga ikki emodzi — olov va qarsak — qo'shdi.
Ronaldu 40 yoshda. Uning Al-Nasr bilan amaldagi shartnomasi 2027 yilning o'rtalarigacha mo'ljallangan.
“Zamin”ni Telegramʻda oʻqing!
