Fransuz hujumchisi Olivye Jiru uchun so‘nggi uchrashuv og‘ir kechdi: uning «Lill» jamoasi «Strasburg»ga 1:4 hisobida imkoniyatni boy berdi. Bu haqda euro-football.ru xabar beradi.
O‘yin tugagach, hujumchi tribunadan kelgan hushtaklarni eshitishga majbur bo‘ldi — muxlislar «doglar»ning omadsiz natijasidan norozi ekanini shu tariqa bildirdi. Jiru esa sukut saqlamadi va jamoani birlashishga chaqirdi.
«Hamma birlashishi kerak — klub rahbariyati, futbolchilar va muxlislar. Faqat birgalikda, yelkama-yelka bo‘lsak, bu qiyin palladan o‘ta olamiz», — deya Jiruning so‘zlarini derbyderbyderby.it keltiradi.
Eslatib o‘tamiz, fransuz futbolchi avvalroq Londonning «Arsenal»i va Italiyaning «Milan»ida ham to‘p surgan. Hozirda «Lill» Fransiya chempionati turnir jadvalida beshinchi o‘rinda bormoqda.
“Zamin”ni Telegramʻda oʻqing!
