"Liverpul" Salah mavsum yakunigacha maydonga qaytishini rasman e'lon qildi

"Liverpul" klubi Muhammad Salahning jarohati bo'yicha rasmiy ma'lumot berdi. 33 yoshli hujumchi "Kristal Pelas"ga qarshi o'yinda jarohat olib, maydonni tark etgan edi. Bu haqda Goal.com xabar beradi.

Ko'pchilik uning "Liverpul"dagi faoliyati shu bilan yakunlanganini taxmin qilgandi.

Klub bayonotida aytilishicha, Salahning jarohati unchalik jiddiy emas. U mavsum yakuniga qadar maydonga qaytishi kutilmoqda.

Bu xabar "Liverpul" muxlislari uchun katta yengillik bo'ldi.

Jamoa sardori Virjil van Deyk ham Salahning tez orada safga qaytishiga ishonch bildirdi. Uning ta'kidlashicha, Salah jismonan baquvvat va tiklanish jarayoniga jiddiy yondashadi.

Ayni paytda "Liverpul" Chempionlar ligasi yo'llanmasi uchun kurash olib bormoqda. Salahning yo'qligi jamoa uchun qiyinchilik tug'dirishi mumkin, ayniqsa "Manchester Yunayted" va "Chelsi"ga qarshi o'yinlarda.

Uning so'nggi o'yini "Brentford"ga qarshi bo'lishi kutilmoqda.

Shu bilan birga, Salahning kelajagi haqidagi mish-mishlar ham ko'paymoqda. Uning Saudiya Arabistoni, Italiya yoki Fransiya klublaridan biriga o'tishi mumkinligi aytilmoqda.

Yaqin kunlarda uning yangi jamoasi ma'lum bo'lishi kutilmoqda.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing