Rossiya terma jamoasining sobiq hujumchisi Andrey Kanchelskis «Yevro-Futbol.Ru» nashriga bergan intervyusida yaqinlashib kelayotgan 2026 yilgi jahon chempionati haqida fikr bildirdi. Bu haqda euro-football.ru xabar beradi.
Uning aytishicha, turnirda jamoalar sonining keskin ko'payishi musobaqa sifati va qiziqishiga salbiy ta'sir ko'rsatishi mumkin. Kanchelskis misol tariqasida, kuchli terma jamoalar — masalan, Ispaniya yoki Germaniya — Kurasao kabi raqiblarni yirik hisobda yutishi ehtimoli yuqoriligini, biroq bunday o'yinlar tomoshabinni unchalik jalb qilmasligini ta'kidladi. Uning fikricha, ishtirokchilar soni ko'payishi intriga va kutilmagan natijalar ulushini kamaytiradi.
Ma'lumot uchun, 2026 yilgi jahon chempionati AQSh, Meksika va Kanadada bo'lib o'tadi. Musobaqa 11 iyundan 19 iyulgacha o'tkaziladi va unda rekord darajadagi 48 ta terma jamoa qatnashadi.
“Zamin”ni Telegramʻda oʻqing!
